Վաղը Բելառուսի մայրաքաղաքում ավարտվում է շախմատի «Մինսկ Օփեն 2013» միջազգային ներկայացուցչական մրցաշարը:
Հայաստանը ներկայացնող չորս շախմատիստներից երեք գրոսմայստերները եզրափակիչ տուրից առաջ 6,0-ական միավորով մրցաշարային աղյուսակի վերին հորիզոնականներում են: Հովհաննես Գաբուզյանը 6-րդն է, Սամվել Տեր-Սահակյանը՝ 10-րդը, Արտաշես Մինասյանը՝ 11-րդը: ՖԻԴԵ-ի վարպետ Հայկ Մարտիրոսյանը նրանցից վաստակել է մեկ միավոր պակաս եւ ընթանում է 31-րդ տեղում:
Վաղը եզրափակիչ տուրում մեր վետերան շախմատիստ Արտաշես Մինասյանը սպիտակներով խաղում է երիտասարդ Հովհաննես Գաբուզյանի հետ:
Աշոտ ՀԱԿՈԲՅԱՆ
