Օրերս լրագրողների հետ զրույցում Երեւանի քաղաքապետ Տարոն Մարգարյանը վստահեցրեց, թե ինքը գծատեր չէ. «Այն հայտարարությունները, որ Ավան վարչական շրջանում տրանսպորտի երթուղիները Տարոն Մարգարյանինն են, նման բան չկա: Էդ ամենը կարող եմ փաստաթղթերով ու փաստերով ֆիքսեմ: Ինձ համար զարմանալի է, որ նման բաներ են ասում»:
Դիտարկմանը՝ ասում են, որ «Ռոբերտ եւ Տարոն» ՍՊԸ-ն հենց Ձեզ է պատկանում, Քաղաքապետը հակադարձել էր՝ «Ես շատ ՍՊԸ-ներ, կազմակերպություններ, սպասարկման օբյեկտներ կարող եմ նշել, որոնց վրա գրված է՝ «Տարոն», դա ի՞նչ է, նշանակում է՝ ի՞մն են: Շահարկում են, որ Ավան վարչական շրջանում ինչքան խանութներ կան` իմն են, ինչ կա Ավանում՝ Տարոն Մարգարյանինն է: Ոչ, նման բան չկա»:
Այսօր Aravot.am-ը քաղաքապետի նախկին թեկնածու, «Ժառանգություն» կուսակցության փոխնախագահ Արմեն Մարտիրոսյանին հարցրեց՝ հավատո՞ւմ եք Տարոն Մարգարյանի այդ հայտարարությանը, որ ինքը գծատեր չէ: Նա պատասխանեց. «Հավատալու կամ չհավատալու խնդիր չունեմ, որովհետեւ ֆեյսբուքում տեղեկատվության հանդիպեցի, որտեղ լուրը հաստատված էր: Համենայնդեպս, կարծում եմ, ըստ էության իմ հավատալ-չհավատալու խնդիրը չի: Գոյություն ունեն փաստաթղթեր, եթե փաստաթղթերը դա են ասում, ուրեմն դա այդպես է: Հնարավոր է ինքը ինչ-որ պահի ստեղծել է, հետո հեռու է գնացել ղեկավարությունից: ՍՊԸ-ն, նշանակում է, որ նա բաժնետոմսեր էլ չի կարող ունենալ: Մինչեւ իրավական առումով հստակ չպարզաբանվի, չեմ կարող ասել: Բայց այն, որ ինքը նախկինում անմիջականորեն մասնակից է եղել տրանսպորտային ծառայություններ մատուցելուն, կարծում եմ, բոլորին է հայտնի: Նա դա հանգիստ կարող է ասել: Մանավանդ Գալուստ Սահակյանն էլ ասել էր, չէ՞, որ ինքը շատ լավ բիզնես անող մարդ է, մասնաբաժիններ ունի բիզնեսում եւ այլն: Այնպես որ, կարծում եմ, ճիշտը ընդունելն է»:
Կարդացեք նաև
Հռիփսիմե ՋԵԲԵՋՅԱՆ
Եթե նորմալ երկրում սուտը բռնացնելը, կամ հաստատելը վերջանում է ամենաստորացուցիչ պատժով,
ապա մեր երկրում այն՝ պատվավոր է, որեմն լավ տղա է, տակից դուրս գալացող է և այլն:
Իսկ եթե տարոնն ու իր վերդասի բանդան բիզնեսներ չունեն, ապա որտեի՞ց է նրանց տասնյակ միլիոն դոլարների կապիտալները, իսկ եթե առաջ ունեցել են հիմա չունեն, ապա որտե՞ղ ցնդեց
այդ ամենը, երբ ավելի բարձր պաշտոնների անցան: Չե՞ որ մեր երկրում պաշտոնը,՝ առաջին հերթին
անօրեն բիզնեսի պահապանն է, այլ ոչ հակառակն:
Մինչև, որ սուտը մեր երկրում գոնե ամոթալի և դատապարտելի արատ չհամարվի, ոչ մի լավ բանի
չենք հասնի: Իսկ թաղի խուժանը այսօր լիիրավ վայելում է իր վաստակը՝ տարոնին քաղաքապետ
նշանակելու գործում, և թող մի ոստիկան փորձի նկատողություն անի, չի անի քանի որ նա էլ է
համագործակցել,՝ ,,քաղաքապետի ընտրություններ,, կոչվող հանցավոր օպերացիային թաղի խուժանի հետ մեջք մեջքի տված: Ահա՝ երկրի կործանման փթած արմատները: