Oգոստոսի 8-ի լույս 9-ի գիշերը՝ Մոսկվայի Շլյուզովայա փողոցի վրացական «Խաչապուրի» ռեստորան են ներխուժել զինված մարդիկ եւ զենքով սպառնալով՝ դուրս են հանել սրճարանի պահակախմբին, հայտնում է ռեստորանի կայքը:
Անհայտ անձիք փակվել են սրճարանի ներսում եւ սպասել են ռեստորանի սեփականատիրոջ՝ ՌԴ կառավարության նախկին նախարար եւ քաղաքապետի ընկեր՝ Վիտալի Արտյուխովի ցուցումներին:
2012թ. գարնանը «Խաչապուրի»-ն «Ավտոկոմբինատ-4» ընկերությունից վարձով է վերցրել մի կիսափտած ավտոտնակ: Մինչեւ 2019թ. Ռոսրեեստրում պաշտոնապես կնքված վարձակալության պայմանագրի համաձայն «Խաչապուրի» ընկերությունը նորոգել է տարածքը եւ բացել նույնանուն սրճարան: 2012թ. սեպտեմբերին, երբ ավտոտնակների ավերակները վերածվել են ամառային տարածքով սրճարանի, սեփականատեր Վիտալի Արտյուխովը պահանջել է պայմանագրի պայմանների շտապ վերանայում եւ վարձի բարձրացում:
Նոր պայմանագրի համաձայն ամբողջ վարձակալության ընթացքում առաջարկվում էր վճարել մոտ երեք միլիոն դոլար ավել: Տարածքի սեփականատերերի համար պաշտոնական պայմանագիրը փաստարկ չէր: Կայքը գրում է, որ 90-ականների լավագույն ավանդույթներով՝ վարձատուն, փորձելով «Խաչապուրի»-ն «կոտրել» ՝ անջատում էր ջուրը, էլեկտրականությունը, փակում էր կոյուղին եւ այլն:
Կարդացեք նաև
Սակայն, ինչպես գրում է կայքը, ցավոք, հրաշք տեղի չունեցավ: Ներսում՝ հարձակվողների հետ, կողպված էր սրճարանի ողջ սեփականությունը: Սրճարանը վարձակալողի, տնօրենի եւ սեփականատիրոջ ներկայացուցիչներին ներս չէին թողնում: Սրճարանում է որպես գերի է մնացել «Խաչապուրիի» թալիսմանը՝ Տոլյա ոչխարը:
Պատրաստեց Հովհաննես ԻՇԽԱՆՅԱՆԸ
