«Հայոց արծիվներ» կազմակերպության ղեկավար Խաչիկ Ասրյանը հայտարարել է, թե «Հայոց նախագահ Սերժ Սարգսյանը մեր մեծ ընտանիքի առաջնորդն է ու մեծագույն դերակատարություն է ունեցել հայոց պետականության կայացման մեջ, եւ ոչ միայն մեր հայրենիքում, այլ հատկապես Երկիր մոլորակի տարբեր անկյուններում»։
«ՉԻ» – Սերժ Սարգսյանը, փաստորեն, հայոց պետականություն է կայացրել Երկիր մոլորակի տարբեր անկյուններում, օրինակ՝ Պոլինեզյան կղզիներում, Բուրկինա-ֆասոյի սավաննաներում եւ այլուր։ Աշխատանքային այցով մի երկու օրով գնացել է, արագ-արագ հայոց պետականությունը կայացրել, եկել։ Մի երկու անգամ էլ, ասում են, Մոնտե-Կառլոյում է կայացրել, իսկ ընդհանրապես՝ հայոց պետականության կայացման առումով առաջատարը պետք է Բադեն-Բադենը լինի։ Չնայած «Հայոց նախագահն» ինքը հերքում է դա, բայց մեծ առաջնորդներն, ինչպես հայտնի է, միշտ էլ աչքի են ընկել բացառիկ համեստությամբ։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
