Հայաստանում Լեհաստանի արտակարգ եւ լիազոր դեսպան Զդիսլավ Ռաչինսկին «Առավոտ»-ին տված բացառիկ հարցազրույցի ընթացքում լսելով մեր պատասխանը, որ տեղյակ չենք, թե ինչ է իրենից ներկայացնում Մաքսային միությունը՝ նկատեց․ «Դրանում է հարցը: Ասեմ ավելին, որքանով, որ ես եմ տեղեկացված ուկրաինացի գործընկերներից՝ ուկրաինական կողմը նույնիսկ պաշտոնապես չի ստացել Մաքսային միության վերաբերյալ փաստաթղթերը, թեեւ նրանց հրավիրում էին այդ կառույց: Չի կարելի ասել, թե ԵՄ Ասոցացման համաձայնագիրը Հայաստանի հետ գաղտնի էր պահվում, որովհետեւ այդ փաստաթղթի նախապատրաստմանը մասնակցել են հարյուրավոր մարդիկ հայկական կողմից՝ փորձագետներ, քաղաքական գործիչներ: Այդ համաձայնագիրը հայտնի է շատերին կառավարությանը, եւ վստահ եմ, որ այն հայտնի է նաեւ մեր ռուս գործընկերներին ու նրանք գիտեն, որ դա ընդամենը կարգավորող փաստաթուղթ է: Ես ընդունում եմ, որ փաստաթղթի չհրապարակվելու հանգամանքը որոշակի շահարկումների առիթ է հանդիսացել: Բայց համաձայնագրի կողմերը Եվրահանձնաժողովն ու Հայաստանն են, եւ որքան որ հասկանում եմ, որեւէ կողմ դրանից չի հրաժարվել եւ այն մնում է սեղանին, այո, բայց առայժմ այն առաջ չի ընթանում»:
«Առավոտ»-ի բացառիկ հարցազրույցը Հայաստանում Լեհաստանի արտակարգ եւ լիազոր դեսպան Զդիսլավ Ռաչինսկու հետ ամբողջությամբ կարդացեք՝ այստեղ :
Էմմա ԳԱԲՐԻԵԼՅԱՆ
Նրբորեն ակնարկեց, որ Հայաստանի կառավարությունում ռուսական գործակալներ կան, չնայած առանց այդ էլ գիտեինք:
…իրան ջեյմս բոնդի տէղն է դրել