Ըստ «Ազատություն» ռադիոկայանի, երկուշաբթի Եվրամիություն-Ադրբեջան համագործակցության խորհրդի նիստից հետո Բրյուսելում համատեղ մամուլի ասուլիսում Եվրամիության պատվիրակության ղեկավար, Եվրամիությունը մինչև տարեվերջ նախագահող Լիտվայի արտաքին գործերի նախարար Լինաս Լինկյավիչուսը նշել է, որ Լեռնային Ղարաբաղի խնդրի լուծումը Եվրամիության առաջնահերթություններից մեկն է:
«Լեռնային Ղարաբաղի հակամարտության խաղաղ կարգավորման գործընթացը Եվրամիության արտաքին քաղաքականության առաջնահերթություններից մեկն է: Մենք ողջունում ենք նոյեմբերի 19-ին Վիեննայում կայացած Ադրբեջանի և Հայաստանի նախագահների հանդիպումը: Ոգևորիչ է, որ նրանք համաձայնել են շարունակել բանակցությունները և առաջիկա ամիսներին նորից հանդիպում ունենալ»,- ասել է Լինկյավիչուսը:
«Եվրամիության դիրքորոշումը մնում է նույնը: Հակամարտող կողմերի միջև հիմնական բանակցողը Մինսկի խումբն է։ Մենք կփորձենք ավելին անել նրանց աջակցելու համար և օգնել փոխվստահություն կառուցել երկու կողմերի միջև»,- ասել է Լիտվայի արտգործնախարարը։
Լիտվայի արտգործնախարարը նաև խորը մտահոգություն հայտնել ագրեսիվ հռետորաբանության աճի համար՝ նշելով, որ այն սրում է լարվածությունը, խանգարում հակամարտության կարգավորման ջանքերին:
Կարդացեք նաև
Հրաչ Մելքումյան
Նյութի մանրամասները կարդացեք սկզբնաղբյուր կայքում
