Ադրբեջանի նախագահ Իլհամ Ալիևը Նախիջևանի ինքնավար հանրապետությունում առանձին համազորային բանակ ստեղծելու հրամանագիր է ստորագրել: Գրում է «Ռեքս» լրատվական գործակալությունը՝ հղում անելով նախագահի պաշտոնական կայքին:
«Հաքին.ազ» լրատվականը, անդրադառնալով թեմային, փորձել է գտնել առանձին բանակ ստեղծելու Ալիևի շարժառիթները: Ըստ նրանց, փորձագետների համար գլուխկոտրուկ է այս անսպասելի և սենսացիոն որոշումը: Հեղինակների կարծիքով, այս որոշման քաղաքական ենթատեքստը կապված է հայ-ադրբեջանական բանակցությունների հետ. «Հավանաբար սա պայմանավորված է Ադրբեջանի համադաշնային համակարգի անցման հետ: Ըստ երևույթին, հայ-ադրբեջանական բանակցությունների ժամանակ վերևներում որոշակի առաջընթաց է եղել, ու եթե Հայաստանը համաձայնի Լեռնային Ղարաբաղը Ադրբեջանի ապագա համադաշնությանը որպես սուբյեկտ կցելու հետ, ապա վիճելի սուբյեկտը սեփական բանակն ունենալու իրավունք կունենա», – գրում է ադրբեջանական լրատվականը՝ ավելացնելով, որ Նախիջևանի որոշումը կարող է նշան լինել Հայաստանին, թե այդ իրավունքից կարող է օգտվել նաև Ղարաբաղը, եթե անցնի Ադրբեջանին:
Նախիջևանի բանակի հրամանատար է նշանակվել գեներալ-լեյտենանտ Քերեմ Մուստաֆաևան:
Կարդացեք նաև
Պատրաստեց Հովհաննես ԻՇԽԱՆՅԱՆԸ
