Հարգելի հայրենակիցներ,
Ջերմորեն շնորհավորում եմ Հայոց բանակի կազմավորման 22-րդ տարեդարձի կապակցությամբ: Հայերիս համար հայկական զինված ուժերի զարգացումը բխում է մեր ազգային անվտանգության շահերից:
Հայ ժողովրդի պատմությանը հետադարձ հայացք նետելիս, ակնհայտ է դառնում, որ հայերի բոլոր հաղթանակները, անգամ պետականության բացակայության պայմաններում, պայմանավորված են եղել հայկական զինված ուժերի շուրջ համախմբվածությամբ:
Նորօրյա հայկական բանակաշինության ակունքներում կանգնած մեր սերունդը ջանք ու եռանդ չպետք է խնայի օժանդակելու այսօր արդեն քսաներկուամյակը բոլորող բանակին:
Վերհիշելով՝ մեր անկախության համար պայքարած յուրաքանչյուր զինվորին, պարտավոր ենք անհատապես գլուխ խոնարհել նրանց շիրիմների առջև:
Մեկ անգամ ևս շնորհավորում եմ Հայկական բանակի տարեդարձի կապակցությամբ, մաղթում եմ բոլորիս ոգու ամրություն, համբերություն և խաղաղ երկինք:
Կարդացեք նաև
ՀՀ փաստաբանների պալատի նախագահ Արա Զոհրաբյան
