Կ Ո Չ
Վերջին զարգացումների հետ կապված՝
«Վրաստանի Հայ Համայնք»-ը կոչ է անում կողմերին ձեռնպահ մնալ ավելորդ հուզականությունից և գործողություններից, որոնք կարող են վնաս հասցնել վիրահայությանը ու, մասնավորապես նրա բարի համբավին: Մենք համոզված ենք նրանում, որ ցանկացած խնդիր կամ հարց, որ կարող է առաջանալ տարբեր խմբերի միջև, Համայնքը, հանուն ընդհանուր շահի, պիտի իր մեջ ուժ գտնի լուծելու երկխոսության միջոցով իր իսկ շրջանակներում: Անհանդուրժելի է, որ նման թեմաները դառնան հանրային քննարկումների առարկա, վիրահայության մասը չհանդիսացող տարբեր խմբերի կողմից:
Միայն մեր համախմբվածությունը ու ներքին ներդաշնակությունը թույլ կտա մեզ դիմակայելու այն բազմաթիվ մարտահրավերներին ու դժվարություններին, որոնք այսօր վիրահայության առջև են ծառացած:
Կարդացեք նաև
Վրաստանի Հայ Համայնք
Թբիլիսի, Վրաստան, 11.02.2014թ.
Հիշեցնում ենք, որ վերջին օրերս մամուլում հնչել են մեղադրանքներ ուղղված Վիրահայոց թեմի առաջնորդին և պատասխան հերքումը:
Միայն այս կոչը կարդալով կարելի է հասկանալ, որ Վրաստանի հայ համայնքը չի ներկայացնում ո՛չ Վրաստանի ու Ջավախքի հայերին, ո՛չ էլ խելքը գլխին կառույց է: ՀՀ-ում գործող (ավելի ճիշտ գրանցված) հայրենակցական միություններից ոչնչով չի տարբերվում: