Այսօր՝ փետրվարի 18-ին, Ատոմակայանի աշխատակիցները հավաքվել էին Մարդու իրավունքների պաշտպանի գրասենյակի մոտ՝ «Դեմ եմ» պաստառներով եւ «Մենք ենք տերը մեր երկրի» կարգախոսներով: Նրանք եկել էին՝ Մարդու իրավունքների պաշտպանին հանձնելու իրենց գրավոր նամակը, ըստ որի՝ չեն ընդունում «Կենսաթոշակային բարեփոխումների մասին» օրենքի պարտադիր կետը: Նրանք բողոքում էին, որ իրենց աշխատավարձերից արդեն պահումներ արել են:
Այն ժամանակ, երբ ատոմակայանի աշխատակիցները Մարդու իրավունքների պաշտպանի գրասենյակի դիմաց իրենց բողոքն էին արտահայտում, դուրս եկավ Մարդու Իրավունքների պաշտպանի խորհրդական Տաթեւիկ Խաչատրյանը եւ աշխատակիցներին եւ լրատվամիջոցներին հրավիրեց ներս:
Աշխատակիցներից Մկրտչյան Ցոլակը Տաթեւիկ Խաչատրյանին ներկայացրեց, որ նրանք խոսելու են ատոմակայանի 700 աշխատակիցների անունից : « Մեր պահանջն է պարտադիր պահանջը հանվի, այսինքն՝ պարտադիր բաղադրիչի հետ մենք համաձայն չենք: Ներկա սոցիալ-տնտեսական վատ վիճակից ելնելով՝ մենք չեն ուզում ապագայում լավ ապրել՝ հիմա վատ ապրելով»,- ասաց նա:
Կարդացեք նաև
Մարդու իրավունքների պաշտպանի խորհրդական հավաքվածներին ասաց, որ կքննարկեն նամակ-դիմումը եւ կհայտնեն դիրքորոշումը հրապարակային՝ լրատվամիջոցներով:
Մանրամասները տեսանյութում
Հռիփսիմե ՀՈՎՀԱՆՆԻՍՅԱՆ
