Ինչպես քիչ առաջ տեղեկացրեց News.am-ը Արագածոտնի մարզպետ Սարգիս Սահակյանի` Աշտարակի տանը արտակարգ դրություն է:
Մարզպետը իրեն պատկանող կիսակառույց տանը գազի բալոններ եւ այլ անհայտ սարքեր է հայտնաբերել եւ ահազանգել իրավապահներին: Այնտեղ են այս պահին ոստիկաններն ու ԱԻՆ-ի աշխատակիցները:
Աշտարակի քաղաքապետ Արմեն Անտոնյանը, փոխքաղաքապետ Գեւորգ Եղիազարյանը Aravot.am-ին ասացին, որ իրենք տեղեկություններ չունեն կատարվածի մասին:
«Ոստիկանությունը պարտավոր չէ նման դեպքի մանրամասներն ինձ ասելու»,- ասաց քաղաքապետը` պատասխանելով մեր հարցին, թե չեք հետաքրքրվում` ինչ է կատարվում մարզպետի տանը:
Կարդացեք նաև
Փոխքաղաքապետն էլ ասաց. «Տեղյակ չեմ, նոր ձեզնից եմ լսում: Ինչի՞ պետք է տեղյակ լինեի: Իմ գործառույթների մեջ դա չի մտնում, ես հիմա զբաղված եմ բյուջեի հարցերը լուծելով, առավոտից խորհրդակցությունների մեջ եմ»:
Մարզպետ Սահակյանն էլ առանց հարցը լսելու, ասաց` գրավոր ուղարկեք ձեր հարցերն ու անջատեց հեռախոսը:
Առայժմ տեղեկություններ չեն տրամադրում նաեւ ԱԻՆ-ից:
Արփինե ՍԻՄՈՆՅԱՆ
Պահ,հայոց տղերքը գործ են անում գազի բալոնով ու …ոչ մի բան:Կարևորը գործի մեջ են:Չէ, ընդամենը աչքն են վախեցնում, գյադություն: