Մարտի 1-ի հանրահավաքում իր ելույթի ժամանակ ՀՀ առաջին նախագահ Լեւոն Տեր-Պետրոսյանը հերթական հաղորդագրությունն ուղարկեց ԲՀԿ-ին՝ ինչո՞վ է Ծառուկյանը պակաս Իվանիշվիլուց (ում հաջողվեց, շնորհիվ նաեւ Սահակաշվիլու խոհեմության, փափուկ իշխանափոխություն իրականացնել) կամ Ռենատ Ախմետովից ու Սերգեյ Տիգիպկոյից (ովքեր Յանուկովիչին թույլ չտվեցին արտակարգ դրություն հայտարարել Կիեւում)։
Այս հայտարարությունը բուռն քննարկումների եւ քննադատությունների տեղիք տվեց
Լեւոն Տեր-Պետրոսյանի այդ համեմատությունը Aravot.am-ի հետ զրույցում ՀԱԿ դաշինքի նախկին անդամ, «Ժողովրդավարական հայրենիք» կուսակցության նախագահ Պետրոս Մակեյանն այսպես մեկնաբանեց. «Ես ուղղակի վատ եմ զգում, որ երկրի նախկին նախագահը նման բան է ասում մի մարդու հասցեին… նրան համեմատում է Իվանիշվիլիի հետ: Իվանիշվիլին ցույց տվեց քաղաքական հստակ գիծը, իր պահվածքը, իսկ էդ իր ասած մարդիկ այս 15 տարի ժողովրդի ունեցվածքի հաշվին իբր բարեգործություն են անում»:
Հռիփսիմե ՋԵԲԵՋՅԱՆ
1996 և 2008 թվականներին, երբ Լևոն Տեր-Պետրոսյանն ուզում էր նախագահ դառնալ, հիմնականում կիրառում էր մի սկզբունք` ԵԹԵ ԴՈՒ ԻՄ ՀԵՏ ՉԵՍ, ԱՊԱ ԴՈՒ ԺՈՂՈՎՐԴԻ ԹՇՆԱՄԻՆ ԵՍ: Այժմ, երբ իր իսկ խոսքերով ասած իր տարիքն արդեն մեծ է նախագահ դառնալու համար, երևի նա կսկսի որդեգրել մեկ այլ սկզբունք` ԵԹԵ ԴՈՒ ՆՐԱ ՀԵՏ ՉԵՍ, ՈՐԻՆ ԵՍ ԵՄ ԳՈՎԱԶԴՈՒՄ, ԱՊԱ ԴՈՒ ԺՈՂՈՎՐԴԻ ԹՇՆԱՄԻՆ ԵՍ: