Արարատ-73-ի մարզիչ Նիկիտա Սիմոնյանը Ռուսաստան-Հայաստան ընկերական հանդիպմանը տան տերերին է աջակցելու:
«Սպորտ-Էքսպրես»-ի հետ զրույցում, պատասխանելով հարցին, թե կուզենա՞, որ խաղը ոչ ոքի ավարտվի, Ռուսաստանի ֆուտբոլային միության նախագահի առաջին տեղակալը պատասխանել է.
«Հայաստանն ինձ հարազատ է, բայց ցանկանում եմ, որ մեր՝ Ռուսաստանի հավաքականը հաղթի»:
Սիմոնյանը խոստովանել է, որ Հայաստանի հավաքականը հետաքրքիր թիմ է և էականորեն աճ է ապրել. «Վառ թիմային ֆուտբոլ են ցուցադրում: Կան անհատական ուժեղ խաղացողներ, որոնք չեն վախենում պայքարից: Առաջին հերթին՝ Հենրիխ Մխիթարյանը»:
Կարդացեք նաև
Սիմոնյանը, որը 1980-ականներին «Արարատ»-ում մարզել է Հենրիխ Մխիթարյանի հորը՝ հանգուցյալ Համլետ Մխիթարյանին, նշել է, որ խաղային մակարդակով որդին գերազանցել է հորը:
Խոսելով Արազ Օզբիլիսի և Յուրա Մովսիսյանի մասին, որոնք հանդես են գալիս մոսկովյան թիմում՝ 88-ամյա մասնագետը նշել է, որ «Սպարտակ»-ի հաջողության համար անհրաժեշտ է, որ թիմում հայ խաղացող լինի:
Ռուսաստան -Հայաստան ընկերական խաղը տեղի կունենա մարտի 5-ին, ժամը 18:00-ին:
Պատրաստեց Հովհաննես ԻՇԽԱՆՅԱՆԸ
զարմանալու բան չկա, ՀՀԿ —ԲՀԿ—ՀԱԿ—ՕԵԿ—ՀՅԴ եւայլն , բոլորն էլ ռուսաստանին են երկրպագելու… բայց մեր ազգային հավաքականը միայնակ չէ… հայաստանում դեռ շատ են առողջ հայերը… Հ Ա Յ Ա Ս Տ Ա ՜Ն…