ԱՄՆ հետախուզության ծառայությունները Կոնգրեսին եզրակացություն են ներկայացրել, որ Ռուսաստանի ներխուժումը Ուկրաինայի Արևելք ավելի մեծ հավանականություն ունի, քան իրենք նախկինում պատկերացնում էին: Հաղորդում է «Սի Էն Էն»–ը:
Ամերիկացի պաշտոնյաները նշել են, որ թեպետ լիովին վստահ չեն, սակայն վերջին երեք-չորս օրվա ընթացքում հայտնվել են տագնապալի նշաններ, ինչի հիման վրա եկել են նման եզրահանգման:
Զեկույցում ասվում է՝ «խորը մտավախություն կա, որ Մոսկվան կներխուժի Արևելյան և Հարավային Ուկրաինա, կշարունակի գնալ Արևմուտք՝ դեպի Մերձդնեստր, ինչպես նաև կփորձի տարածքներ գրավել Բալթյան երկրներում»:
Ըստ ԱՄՆ հետախուզության, Ուկրաինայի սահմանի մոտ տեղակայված է ավելի քան 30 հազարանոց զորք, որոնք բերված են մարտական վիճակի: Նշված է նաև, որ այդ քանակությամբ զորքը «զգալիորեն շատ է», քան պահանջվում է «զորավարժության» համար:
Կարդացեք նաև
Հավանական է, որ Ռուսաստանը Ուկրաինա կմտնի երեք քաղաքներով՝ Խարկովով, Լուգանսկով և Դոնեցկով, պնդում են Միացյալ նահանգների հետախույզները:
Պատրաստեց Հովհաննես ԻՇԽԱՆՅԱՆԸ
