Այսօր՝ ապրիլի 26-ին ՀՀԿ ԳՄ նիստից հետո ՀՀԿ մամլո խոսնակ Էդուարդ Շարմազանովը հայտարարեց, որ նիստի ընթացքում միաձայն որոշեցին ապրիլի 28-ին Ազգային ժողովի նախագահի պաշտոնում ներկայացնել իրենց թեկնածու ՀՀԿ խմբակցության ղեկավար Գալուստ Սահակյանին.
«Բոլորս համոզմունք հայտնեցին, որ պարոն Սահակյանն իր փորձով, իր գիտելիքներով, պառլամենտական աշխատանքի իմաստությամբ լավագույնս կարող է ղեկավարել Հայաստանի Հանրապետության օրենսդիր մարմինը»:
Էդուարդ Շարմազանովն ասաց, որ կառավարության անդամների հարցը չի քննարկվել, մինչեւ մայիսի երեքը հայտնի կլինի կառավարության ամբողջական կազմը:
Պարոն Շարմազանովը նշեց, որ նիստի ընթացքում Պետական իրավական հարցերի հանձնաժողովի նախագահի թեկնածու է առաջադրվել կուսակցության խմբակցության քարտուղար Հովհաննես Սահակյանը, իսկ ԵԽԽՎ պատվիրակության ղեկավար՝ պատվիրակության նախկին անդամ, ԱԺ նախագահի տեղակալ Հերմինե Նաղդալյանը:
Կարդացեք նաև
Նիստի ընթացքում չեն քննարկվել խմբակցության նախագահի եւ քարտուղարի, ինչպես նաեւ Ազգային անվտանգության խորհրդի նախագահի մասին հարցերը:
Այն հարցին, թե Գալուստ Սահակյանը կարո՞ղ է զուգահեռ լինել նաեւ խմբակցության ղեկավար, պարոն Շարմազանովը պատասխանեց. «Խմբակցության նախագահը եւ քարտուղարը պարտադիր չէ, որ լինեն միայն նախագահ եւ քարտուղար»:
Ամի ՉԻՉԱԿՅԱՆ
ՀՀԿ = ՀԽՍՀ կոմունիստական կուսակցություն:
Երկրի ողբերգությանը՝ այս անգամ ոչ թուրքերը, ոչ էլ ռուսները մասնակից չեղան։
ՈՂԲԱՄ ԶՔԵԶ ՀԱՅՈՑ ԱՇԽԱՐՀ…. Գալուստի հույսին ես մնացել….
Դրանց սֆաթներից սրտախառնոց է առաջանում, իսկ իրենց պնգլին չի – «ամենախելոքն» են, «անփոխարինելին» եւ պիտի առաջնորդեն դեպի «լուսավոր ապահովություն» … միթե հոտած ճահիճի մեջ պիտի վախճանվի երազած հայոց պետականությունը ?