Գյումրիում ավելի քան քառորդ դար անմարդկային պայմաններում գոյատևող մոտ 4000 ընտանիքներից 430-ի համար դեռ նախորդ տարի պետք է շահագործման հանձնվեր ևս 430 բնակարան, իսկ Ախուրյանում էլ մոտ 140 բնակարան պետք է շահագործվեր 2012 թվականին:
Սակայն աղետի գոտու անօթևան ընտանիքների համար նախատեսված բնակարանային շինարարության աշխատանքները վերջին նախագահական ընտրություններից հետո, արդեն երկրորդ տարին է՝ դադարեցված են: Եթե Ախուրյան համայնքում մի շարք կիսակառույց շենքեր 3-ից 4 հարկ կառուցվել են, ապա Գյումրիում նախատեսված 8 բարձրահարկերից 1-2-ի միայն հիմքերն են կառուցված: Եվ սա այն դեպքում, երբ ի պատասխան «Շիրակ կենտրոնի» հարցումների, ՀՀ բարձրագույն իշխանությունները բազմիցս հավաստիացրել են, թե նախատեսված բնակարանները շահառուներին կբաշխվեն մինչև այս տարվա ավարտը: Գոնե մեզ համար անհայտ է մնում, թե մինչև օրս դատարկ շինհրապարակներով ինչպե՞ս են այդ շենքերը կառուցելու և շահագործելու առաջիկա մի քանի ամիսների ընթացքում:
Ներկայացնում ենք Ախուրյանի և Գյումրու դատարկ շինհրապարակների լուսանկարները, որոնք արվել են այսօր, «Շիրակ կենտրոնի» աշխատակիցների կատարած հերթական այցելության ու դիտարկման ընթացքում:
Կարդացեք նաև
