Գյումրու ճանաչված, ակտիվ հասարակական գործիչներն այսօր հավաքվել էին Սախորովի անվան մարդու իրավունքների պաշտպանության Շիրակի մարզային գրասենյակում` ներկայացնելու Գյումրիում ու առհասարակ Շիրակի մարզում անցած ամիս տեղի ունեցած կարևոր իրադարձությունների վերլուծությունները:
Բնապահպանական «Բիոսոֆիա» հ/կ նախագահ Գևորգ Պետրոսյանը, համեմատելով քաղաքաշինական ու բնապահպանական ոլորտները Գյումրու ներկայիս ու նախորդ քաղաքապետերի կառավարման ժամանակաշրջանում, կարծիք հայտնեց, որ Սամվել Բալասանյանը շարունակում է Վարդան Ղուկասյանի քաղաքականությունը: «Վարդանիկի ժամանակներից ոչինչ չի փոխվել Գյումրիում, լրիվ նույնն բանն է, լրիվ նույն քաղաքականությունը, գուցե ավելի վատ էն առումով, որ հիմա ինչ ուզում ես ասա, կրավորական մոտեցում է, ասում են `հա, մենք համաձայն ենք, ճիշտ է… Եթե մենք նայենք Կիրովի ճեմափողոցը, ի՞նչ է կատարվում այստեղ. ծառերը հատվում են իբր թե շատ մեծ են, խանգարում են ժողովրդին և այլն, բայց հենց հատեցին, վերջացրեցին, այդ տարածքները միանգամից սալապատվում են ու դառնում սրճարանների դիմացի բացօթյա հատվածներ:
Ըստ էության կանաչ տարածքները գողացվում են մեզանից` մեր աչքի առաջ, շատ քաղաքակիրթ ձևով, եթե Վարդան Ղուկասյանը էդ նույնը նագլի ձևով էր անում, էս մարդը հանգիստ, օրինական, թույլտվությունը տալիս է: Բնակկոմունալ բաժինը թույլտվությունը տալիս է, ծառերի հատման թույլտվությունը կա, ամեն ինչը կա, սաղ օրինական… Օրինական կերպով ոչնչացնում են այն, ինչը էն ժամանակ հնարավոր էր այսպես ասած աղմուկով պահել: Հիմա էլ հնարավոր չէ, որովհետև մենք կիսախուլիգանական ՏԻՄ-ից ունենք բիզնես ՏԻՄ, մարդը բիզնեսի աչքերով է նայում, որտեղ ինչ կարելի է ծախել, վերցնել, տալ: Ծախել էն իմաստով չէ, իրենք միգուցե դրա համար կաշառք կամ Ամենափրկիչ եկեղեցու համար փող չեն վերցնում, բայց, ըստ էության, մենք` որպես քաղաքացի, կորցնում ենք էդ տարածքները: Մեր համար տարբերություն չկա, թե քաղաքային տրանսպորտից կոնկրետ որ ընկերությունն է փող աշխատում, եթե որակը, ըստ էության, համարյա նույնն է: Ես` որպես քաղաքացի, նույն բանն եմ ստանում, հիմա իրենց կռիվների իմաստը ո՞րն է, ինձ չի հետաքրքրում: Որ ոլորտներում որ կա անձնական շահ կամ ընկերությունների շահ, էդ ոլորտներում կռիվները գնում են, այսինքն` տրանսպորտն է, ավտոկայանատեղին է, որի համար կռիվները շարունակվում են», – ասում է բնապահպանը:
Ըստ Գևորգ Պետրոսյանի, այս ընթացքում ՏԻՄ-ի կողմից մի քանի կոպիտ սխալներ են կատարվել, որոնք, անխոս, կունենան ծանր հետևանքներ, դրանից մեկը Մուսայիլյան փողոցի վրա գազալցակայն կառուցելու թույլտվություն տալն էր: «Շատ շուտով սա կունենա իր իրավական հետևանքները, այսինքն լիքը մարդիկ կան, որոնք ցանկություն ունեն նոր գազալցակայաններ ստեղծել քաղաքի կենտրոնում: Մրցակցությունը էդ մի գազալցակայանով լրիվ կփոխվի, եթե գազալցակայաններ քաղաքի մեջ կար մի հատ` Չուլոշնիի մոտ, մնացածը հիմնականում քաղաքից դուրս էին, հիմա պիտի մրցակցություն գնա, եթե Մուսայիլյան փողոցում նորմատիվային խախտումներով կարելի է, ինչի՞ ինձ չի կարելի: Շուտով քաղաքի շատ հայտնի, շատ կենտրոն տեղերում գազալցակայաններ կունենանք, մենք այլևս չենք կարողանա կանխել, ինքն էլ չի կարողանա կանխել որպես ՏԻՄ», – ասում է Գևորգ Պետրոսյանը:
Կարդացեք նաև
Նա անդրադարձավ նաև Սամվել Բալասանյանի գնած պատմամշակութային Սև Ղուլ ամրոցին, որի շինարարությունն ավարտելուց հետո նոր միայն շիննախագծի շուրջ հանրային քննարկում են կազմակերպում: «Ասենք թե մենք նախագիծը մերժում ենք, դու քո կառուցածը պիտի քանդե՞ս, զավեշտալի իրավիճակ է»: Ըստ բնապահպանի, հիմա Գյումրու քաղաքապետարանում գործում է մի ապօրինի կառույց` քաղաքաշինական խորհուրդ, որի կազմում կան երկու մասնագետներ` ճարտարապետներ, մնացածները «անկապ մարդիկ են»` նկարիչներ, քանդակագործներ:
«Չեմ ասում վատ մարդիկ են, շատ լավ մարդիկ են, բայց նրանք քաղաքաշինությունից շատ հեռու են ու ընդհանրապես քաղաքի գլխավոր հատակագիծն էլ երբեք չեն տեսել կյանքների մեջ», -քննադատում է Գևորգ Պետրոսյանը:
Սախորովի անվան մարդու իրավունքների պաշտպանության Շիրակի մարզային գրասենյակի ղեկավար Սեյրան Մարտիրոսյանն էլ, համեմատելով երկու քաղաքապետերին, մի օրինակ մեջբերեց. քաղաքապետարանի 21 թափուր աշխատատեղերի համար հայտարարված մրցույթին մասնակցել են ընդամենը 11-ը: «Վարդան Նիկալաևիչի ժամանակ մրցույթս ո՞րն էր, միանգամից գործի էին անցնում, իսկ հիմա մարդիկ մրցույթի երևի թե չեն մասնակցում, որովհետև գիտեն, թե ովքեր են անցնելու»,- ասաց Սեյրան Մարտիրոսյանը:
Նունե ԱՐԵՎՇԱՏՅԱՆ
Էս Գևորգն իրեն դրել է գիտունիկի տեղ, իբր ամեն ինչից գլուխ է հանում, այնինչ ինքը ընդամենը գռանտակեր է ու մի ժամանակ առաջ լավ էլ գովում էր բալասանյանին, հիմա տեսնես ինչ պատահեց, որ էլ չի գովում, տո այ երիտաարդ գռանտակեր, դու ուրրր, ճարտարապետությունն ուր, քեզ մի քիչ տղամարդավարի պահի, Վարդան Ղուկասյանը պետք է քաղաքապետ լիներ, որ մի հատ տեսնեիր մկան ծակ ման գաիր որ մտնեիր
Իհարկե ես հասկանում եմ, որ բանախոսներն իրենց հացի հարցը լուծում են դրամաշնորհներով և դրամաշնորհ ստանալու համար պետք է դիմեն նման քայլերի, բողոքել, սուտ իրավիճակներ ներկայացնել, բայց ամեն դեպքում սխալ է, երբ Գյումրու ներկայիս իրավիճակը ներայացնում են բացահայտ սուտ ձևով
Կառլենչիկ; դու ճիշտ ես, Գյումրու ներկայիս վիճակը ոչ թե չի փոխվել, այլ ահավոր վատ վիճակի է փոխվել, ռուսը կասեր – դալշը նեկուդա -: Թե ինչ են մտածում վերևներում? ինչ ասեմ…..
Ես միշտ էլ թքած եմ ունեցել բյուջետակերներին պաշտպանող երիտասարդ հոգեվաճառուհիների կարծիքի վրա, միշտ ասել եմ այն ինչը տեսել եմ և երբևէ չեմ թաքնվել որևէ մեկից կամ որևէ մեկի ետևում, լինի դա նախագահ, վարչապետ, մարզպետ, քաղաքապետ, թե “ավտառիտետ”:
Շատ կուզենայի, որ կարծիք գրողները ծանոթ լինեին, թե ինչ բան է դրամաշնորհը, գիտենային մրցույթներին դիմելու, “գռանտ” ստանալու և իրականացնելու ընթացակարգերը, որպեսզի ավելի օբյեկտիվ կարողանային գնահատել քաղաքացիական ակտիվությունն ու հասարակական գործունեությունը:
Հոդվածում բազմաթիվ փաստեր են բերված, եթե առարկելու բան ունեք, ապա առարկեք բերված փաստերի դեմ, արդյո՞ք դրանք սուտ են կամ չեն համապատասխանում իրականությանը: Արդյո՞ք բարելավվել է շրջակա միջավայրի որակը կամ քաղաքաշինական վիճակը Գյումրի քաղաքում, եկեք այս մասին մտածենք, թե չէ ես լավ գիտեմ, որ միշտ էլ կգտնվեն ՏԻՄ-ի ապօրինի գործողությունները չնկատող և նրանց շահերը սպասարկող ծակակտիվ բնակիչներ և կեղծ մտավորականներ: