Այսօր լուսադեմին «Զվարթնոց» օդանավակայանում Արամ MP3-ին դիմավորողների մեջ էր նաեւ Եվրատեսիլում երգչի հագուստի դիզայներ Արամ Նիկոլյանը: Նա եկել էր հետաքրքիր մակագրությամբ շապիկով:
Aravot.am-ի հետ զրույցում նա ասաց. «Ես գիտեի, որ այդպես է լինելու: Արամին ու Եվրատեսիլի հաղթողին համեմատել չեմ ուզում, որովհետեւ ինձ համար անհամեմատելի են: Կոնչիտան, գուցե, ձայնային լավ տվյալներ ունի, բայց նրա կերպարը, երգը անընդունելի են: Այսինքն, անիմաստ երգ էր՝ ձայնային լավ տվյալներով: Նա հաղթեց իր կերպարի համար: Ես այսպես եմ մտածում: Հիմա Եվրոպան ամեն բան անում է, PR-ի մի ձեւ է ընտրել, որով ուզում է ցույց տալ, որ նման մարդիկ էլ հասարակության մեջ տեղ ունեն: Շատ եմ ասել, հիմա էլ կրկնում եմ. ես չեմ կարող ընդունել մի բան, որ Աստված չի ընդունում: Ես քրիստոնյա մարդ եմ»:
Արամ Նիկոլյանը մի մտավախություն էլ ունի. այսպես շարունակվելու դեպքում կարող է մի ժամանակ գալ, որ Եվրոպայում հենց այդպիսի մարդիկ հասարակության մեջ տեղ կունենան:
Աշոտ ՀԱԿՈԲՅԱՆ
