Կալիֆոռնիայի նահանգային խորհրդարանի ստորին պալատի՝ Վեհաժողովի հատկացումների հանձնաժողովը փակ քվեարկությամբ հաստատեց AB 1915 բանաձևի նախագիծը, որով երաշխավորվում է Հայոց ցեղասպանության թեմայի ընդգրկումը դպրոցական լրացուցիչ ծրագրերում. հայտնում է «Ասպարեզ»-ը:
Եթե նահանգային խորհրդարանի երկու պալատներն ընդունեն բանաձևը, ապա այն կվավերացնի Կալիֆոռնիայի նահանգապետը, նահանգի 7-12 տարեկան դպրոցականների համար նախատեսված՝ սոցիալական գիտելիք և պատմություն առարկայի լրացուցիչ դասընթացներում կխրախուսվի Հայոց ցեղասպանության, աշխարհում տեղի ունեցած մյուս ցեղասպանությունների վերաբերյալ նյութերի ընդգրկումը:
Բանաձևի նախագիծը, որը հեղինակել է Վեհաժողովի պատգամավոր Ադրին Նազարյանը, նաև երաշխավորում է, որպեսզի նահանգի կրթության վարչությունը 1915-ի ցեղասպանության թեմատիկ նյութեր ընդգրկի կրթադաստիարակաչական հրատարակություններում ևս:
Պատրաստեց Հովհաննես ԻՇԽԱՆՅԱՆԸ
