Ազգային ժողովում նախորդ տարվա բյուջեի կատարողականի ֆինանսատնտեսական բլոկի հաշվետվության ժամանակ Կենտրոնական բանկի նախագահ Արթուր Ջավադյանի ելույթից հետո պատգամավոր Թեւան Պողոսյանը հետաքրքրվեց, թե ԿԲ-ն անցած տարում քանի՞ անգամ է միջամտել արժույթի շուկային՝ դրամը կայունացնելու առումով:
Պարոն Ջավադյանը ասաց, որ եղել է ճիշտ հակառակ գործընթացը՝ եթե նախկինում սովորաբար վաճառել են դոլար՝ դրամը կայուն պահելու համար, նախորդ տարվա ընթացքում ԿԲ-ն կարիք է ունեցել չթույլատրել դրամի ուժեղացումը՝ «80 մլն դոլար ենք գնել շուկայից, մեր գործողություններն ավելի հաճախ ուղղված են եղել դրամի ուժեղացումը չթույլատրելուն, քան թե դրամի թուլացման պատճառով միջնորդություն է եղել: Այս անգամ շատ ենք գնել արտարժույթ, որպեսի արտահանողներին օգնենք»:
Մելանյա ԲԱՐՍԵՂՅԱՆ
