Երևանի քաղաքապետարանում անցկացվել է «Երևանյան ջրամբարի պատվարի փլուզման դեպքում բնակչության պաշտպանության միջոցառումների կազմակերպումը» թեմայով շտաբային ուսումնավարժություն, որը ղեկավարել է Երևանի քաղաքապետի տեղակալ Դավիթ Օհանյանը: Շտաբային ուսումնավարժության ղեկավարման շտաբի պետն էր ՀՀ ԱԻՆ ՓԾ Երևան քաղաքի փրկարարական վարչության պետի տեղակալ, փ/ծ գնդապետ Արթուր Եսայանը:
Ուսումնավարժության հիմնական նպատակներն էին՝
1. Ղեկավար կազմի մասնագիտական ունակությունների կատարելագործումը բնակչության պաշտպանության միջոցառումների կազմակերպման վերաբերյալ որոշումների ընդունման ուղղությամբ.
2. Բարձրացնել բնակչության պաշտպանության միջոցառումներին ընդգրկված կառավարման մարմինների փոխհամագործակցության արդյունավետությունը.
3. Ստուգել արտակարգ իրավիճակներում Երևան քաղաքի բնակչության պաշտպանության պլանի հավելված 4-ի՝ Ջրամբարի պատվարի փլուզման սպառնալիքի և փլուզման դեպքում բնակչության պաշտպանության պլանի իրատեսությունը:
Շտաբային ուսումնավարժությանը մասնակցել են Երևան քաղաքի ԱԻ մշտական գործող և տարահանման հանձնաժողովները, ՀՀ ԱԻՆ աշխատակազմի փրկարար ծառայության Երևան քաղաքի փրկարարական վարչությունը, վարչական շրջանների ղեկավարներն ու Երևանի քաղաքապետարանի «Ջրային կառույցներե ՓԲԸ-ի ներկայացուցիչները: Շտաբային ուսումնավարժությանը մասնակից բոլոր պատասխանատուները զեկուցել են կատարված աշխատանքների մասին: Շտաբային ուսումնավարժության ղեկավար, Երևանի քաղաքապետի տեղակալ Դավիթ Օհանյանը նշել է, որ ուրսումնավարժանքի ընթացքի մասին մանրամասն զեկուցել է Երևանի քաղաքապետ Տարոն Մարգարյանին և ընդգծելով վարժանքի դրական կողմերն ու որոշակի բացթողումները՝ այն գնահատել է բավարար:
Երևանի քաղաքապետարանի տեղեկատվության և
հասարակայնության հետ կապերի վարչություն
