Այսօր Լոռու մարզում տուրիզմի զարգացմանն աջակցող մի շարք միջազգային ու հասարակական կառույցներ մարզում տուրիզմի զարգացումը խթանող ծրագրերի վերաբերյալ Լոռու մարզպետարանի նիստերի դահլիճում քնննարկում էին ծավալել:
Հանդիպում-քննարկումն իրականացավ Լոռու մարզպետարանի և «Վորլդ Վիժն» կազմակերպության նախաձեռնությամբ:
«Տուրիզմի զարգացումը Լոռու մարզպետի կողմից դիտարկվում է որպես մարզի տնտեսության զարգացման այլընտրանքային ճյուղ, բավականին ակնառու քայլեր են կատարվում այդ ուղղությամբ»,-ասաց Լոռու մարզպետի խորհրդական Լեւոն Ասլանյանը` կարեւորելով նմանատիպ հանդիպումների անցկացումը:
Լոռու Մարզպետարանի Զարգացման ծրագրերի և վերլուծության բաժնի պետ Հասմիկ Մկրտչյանը եւս կարևորեց տուրիզմի բնագավառում ծրագրեր իրականացնող կազմակերպությունների համագործակցությունը:
«Քննարկման նպատակներից մեկն էլ այն է, որ կազմակերպությունները ոչ թե կրկնեն մեկը մյուսին, այլ գործեն մեկ արժեհամակարգում՝ լրացնելով մեկմեկու»:
Կարդացեք նաև
«Վորլդ Վիժն ինթերնեյշնլ» կազմակերպության Լոռու մարզի ղեկավար Արմեն Բեժանյանն էլ Aravot.am-ի հարցին ի պատասխան նշեց, որ Լոռու մարզը տուրիզմի զարգացման առումով բավական մեծ ներուժ ունի:
«Մարզում տուրիզմի այլ ճյուղեր կարող ենք զարգացնել, դա ագրոտուրիզմն է, էկոտուրիզմը, որոնք այսօր բավականին պահանջված են»,-եզրափակեց Արմեն Բեժանյանը:
Անուշ ԲՈՒԼՂԱԴԱՐՅԱՆ