Մի խումբ ակտիվիստներ հավաքվել են Հանրային ծառայությունները կարգավորող հանձնաժողովի շենքի դիմաց՝ բողոքելու էլեկտրաէներգիայի գնի թանկացման դեմ:
Ոստիկանները շղթա կազմած թույլ չեն տալիս բարձրանալ ոչ ակտիվիստներին, ոչ էլ տարածքի բնակիչներին: Սակայն մի խումբ ակտիվիստներ կարողացան ճեղքել շղթան եւ բարձրանալ դեպի հանձնաժողովի շենք: Նրանք հանդիպեցին ոստիկանների դիմադրությանը:
Երկու ակտիվիստի ոստիկանները նստեցրել են մեքենան՝ բերման ենթարկելու համար: Սակայն ակտիվիստները կանգնելով ոստիկանության ավտոմեքենայի դիմաց, չեն թողնում մեքենան շարժվի: Մեքենայի մոտ հրմշտոց է ոստիկանների եւ ակտիվիստների միջեւ:
Ակտիվիստներին աջակցում են նաեւ կողքի շենքի բնակիչները՝ ջուր լցնելով ոստիկանների վրա:
Կարդացեք նաև
Ամի ՉԻՉԱԿՅԱՆ
