Այդ երկրի մի մոլի ֆուտբոլասեր մեծ թղթերի վրա տպել է ֆուտբոլի աշխարհի առաջնության ընթացքում կնոջ պահվածքի կանոնները եւ որպեսզի նա ոչինչ չմոռանա կամ չշփոթի, փակցրել է տան տարբեր հատվածներում:
Եվ այսպես:
Եթե աշխարհի առաջնության ընթացքում կինը ցանկանա հյուր գնալ բարեկամներին, պարտավոր է այդ մասին ամուսնուն տեղյակ պահել խաղն սկսվելուց առնվազն երկու ժամ առաջ:
Առեւտրի կենտրոններ հաճախել կարելի է միայն այն օրերին, երբ մունդիալում ոչ մի հանդիպում չի անցկացվում:
Կարդացեք նաև
Արգելվում է որեւէ կերպ մեկնաբանել ամուսնու վարքագիծը, երբ նա շատ հիասթափված, կամ ուրախացած է Բրազիլիայում այս կամ այն իրադարձությունով: Սա հատկապես պարտադիր պահանջ է՝ ընտանիքն ու ամուսնությունը վտանգի տակ չդնելու համար:
Վճռորոշ խաղերի ժամանակ կինը պարտավոր է ամուսնու հետ երկրպագել նրա սիրած թիմին:
Ֆուտբոլասեր ամուսինը վարքագծի այս կանոնները սահմանել է հենց կնոջ համար: «Զայրույթի պահին ես կարող եմ ձեռքիս տակ ընկած իրը շպրտել ու չէի ցանկանա, որ այն պատահաբար դիպչեր քեզ: Ինձ համար կարեւոր է, որպեսզի քո գեղեցկությունը մնա այնպիսին, ինչպիսին եղել է ու կա», – գրել է տղամարդը «կանոններում»:
Աշոտ ՀԱԿՈԲՅԱՆ
Լուսանկարը՝ vk.com-ի
