Լրահոս
Ո՞ւմ ճանապարհն է TRIPP-ը
Օրվա լրահոսը

ԱՄՆ ԿՀՎ-ը թուլացել է Հարավային Կովկասում. Սահակաշվիլի. Haqqin.az

Հուլիս 16,2014 16:23 Share
Աջակցեք aravot.am-ին

ԱՄՆ Կենտրոնական հետախուզական վարչությունը թուլացրել է իր դիրքերը Հարավային Կովկասում, իսկ ամերիկյան հետախուզությունն ընդհանրապես մոռացել է մեր տարածաշրջանի մասին, ասել է Վրաստանի նախկին նախագահ Միխեիլ Սահակաշվիլին՝ «Հաքքին.ազ»-ի հետ զրույցում:

«Ռուսաստանում չեն հասկանում գլխավորը՝ ինչպես Ուկրաինայում, Վրաստանում և այլ հետխորհրդային երկրներում, ժողովուրդներն են տնօրինում իրենց ճակատագիրը: Նրանք դեռ այն կարծրատիպերով են շարժվում, թե ամեն ինչ ծրագրվում է ԱՄՆ-ում և ԿՀՎ-ում», – ասում է Սահակաշվիլին և նշում, որ վերջին ժամանակներում շատ է թուլացել ԿՀՎ-ի դիրքերը՝ հատկապես հետխորհրդային երկրների տարածքում, – «Նրանք իրենց բոլոր ուժերը կենտրոնացրել են Մերձավոր Արևելքում»:

Ըստ Սահակաշվիլիի, ամերիկյան հատուկ ծառայությունների ամենամեծ խնդիրն այս պահին հետխորհրդային երկրներում մասնագետների պակասն է և դրա պատճառը նա համարում է այն, որ վերջին 10 տարիների ընթացքում Ամերիկան իր լավագույն մասնագետներին ուղարկել է մահմեդական երկրներ՝ ահաբեկչության դեմ պայքարելու:

Սահակաշվիլին, մեկնաբանելով այն խոսակցությունները, թե նա համագործակցում է ԿՀՎ-ի հետ, հերքել է այդ տեղեկությունները՝ ասելով, որ ինքն այնպիսի մարդ է, որին հնարավոր չէ ղեկավարել. «Իմ էությամբ ես այնպիսի մարդ եմ, որ ոչ մի հատուկ ծառայություն ինձ չի վստահի: Ես բերանս փակ պահել չգիտեմ: Չեմ կարողանում գաղտնիքներ պահել և չեմ սիրում գաղտնիքներ», – ասել է նա:

Պատրաստեց Հովհաննես ԻՇԽԱՆՅԱՆԸ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: