Շախմատի Հայաստանի տղամարդկանց հավաքականը Տրոմսյոում ընթացող 41-րդ համաշխարհային օլիմպիադայի երկրորդ տուրում կհանդիպի Ավստրալիայի ընտրանու հետ: Թե այսօր մեր տղաներից ովքե՞ր կնստեն խաղատախտակների առջեւ, հայտնի կդառնա օրվա ընթացքում, երբ մարզիչ Արշակ Պետրոսյանը կհայտարարի նրանց անունները:
Մեկնարկային տուրում օլիմպիադայի տղամարդկանց մրցաշարին մասնակցող 177 թիմերից 67-ը, այդ թվում՝ Հայաստանը, անհատական պայքարում ոչ մի միավոր չեն կորցրել, իսկ հաղթանակ տարել է 86 երկիր:
Թիմային միջին վարկանիշով Հայաստանի տղամարդկանց հավաքականը մրցաշարային աղյուսակում 1-ին տուրից հետո Ռուսաստանից, Չինաստանից եւ Ուկրաինայից հետո հավասար միավորներով զբաղեցնում է 4-րդ հորիզոնականը:
Աշոտ ՀԱԿՈԲՅԱՆ
Կարդացեք նաև
Լուսանկարը՝ օլիմպիադայի պաշտոնական կայքէջի
