«Ռուսերեն խոսք կա՝ лукавить. չէր կարող Պուտինը չճանաչեր ու չիմանար Լևոն Հայրապետյանին»,-Aravot.am-ի հարցին հնարավո՞ր է, որ ՌԴ նախագահ Վլադիմիր Պուտինը չճանաչեր ռուսաստանաբնակ հայ բարերար Լևոն Հայրապետյանին, ինչպես Սոչիում Ադրբեջանի, Հայաստանի և Ռուսաստանի նախագահների եռակողմ հանդիպման ժամանակ է նա ասել Սերժ Սարգսյանին, այսպես պատասխանեց Հելսինկյան կոմիտեի նախագահ Ավետիք Իշխանյանը:
Նա նշեց, թե Լևոն Հայրապետյանի ձերբակալության պատմության վկայությունն է այն, որ Ռուսաստանը ոչ իրավական պետություն է:
Պարոն Իշխանյանը Լևոն Հայրապետյանի հետ կապված պատմությունը ավելի շատ կապում է ունեցվածքի վերաբաշխման, այլ ոչ թե Արցախին՝ Լևոն Հայրապետյանի օգնություն ցուցաբերելու հետ: Նա մանրամասնեց. «Ունեցվածքի՝ մեծ մասշտաբի վերաբաշխման ժամանակ դա պետք է լինի Կրեմլի, Պուտինի նախաձեռնությամբ: Այս մակարդակում ունեցվածքի վերաբաշխման մասին Պուտինը հաստատ պետք է տեղյակ լինի, ավելի ցածր մակարդակում կարող է նա չիմանար, բայց սա բավականին բարձր մակարդակ էր: Այստեղ խնդիրը ոչ թե Արցախի օգնությունն է, այլ զուտ Ռուսաստանի տարբեր ֆինանսատնտեսական կլանների ուժերի հարաբերակցության և ունեցվածքի հարաբերակցության խնդիր»:
Տաթև ՀԱՐՈՒԹՅՈՒՆՅԱՆ
Խոստացել է ծանոթանա – էլի հույս է!