Գյումրու Թատերական հրապարակում ՀԱԿ խմբակցության պատգամավոր Արամ Մանուկյանը իր ելույթը սկսեց այս հարցը ուղղելով Գյումրու ոստիկանապետին: «Ոստիկանապետը հիմա ուղիղ նայում է հանրահավաքը: Ես ընդամենը առաջարկում եմ բոլոր իշխանավորներին էս հոսանքի դեմը չառնենք, չկանգնենք, պետք չէ, որ հոսանքը ձեզ քշի- տանի, դուք մերն ենք, բոլոր ոստիկանները, բոլոր անվտանգության աշխատակիցները: Բոլորը էս երկրի հայրեր են և պիտի ապրեն էս երկրում: Էս երկրում չեն ապրելու ընդամենը մի քանի հոգի, որոնք սունկի նման էն ծառի վրա են աճել, որը կոչվում է Հայաստան: Աճել են էդ ծառի վրա ու ծծում են էդ ծառի հյութը, չորացնում են, քամում են էդ ծառը, մենք էդ սունկից պիտի ազատվենք: Մենք չենք թողնի, որ էս ժողովուրդը, երկիրը թողնի գնա: Ավելի լավ է սունկից ազատվել, քան ծառը կտրել: Էս է ճշմարտությունը, և մենք էսօր ձեր ներկայությամբ դա ենք ապացուցում, որ Գյումրին հպարտ է, Գյումրին արժանապատիվ է, Գյումրին թասիբով է», -ասաց բանախոսը:
Վերջինս ասաց, որ հենց էդ թասիբով էլ ամիս 10-ին կգնան ու իշխանություններին կասեն` «վեր կացեք, ռադներդ քաշեք, էս երկիրը այլևս ձեր տեղը չէ»: Արամ Մանուկյանի այդ խոսքի վրա ժողովուրդը սկսեց բացականչել. «Սերժիկ, հեռացիր»: Արամ Մանուկյանը խորհուրդ տվեց. «Այնպես բարձր ասեք` Սերժիկ հեռացիր, որ Սերժիկը լսի», ու ինքը սկսեց բարձրաձայն գոչել. «Սերժիկ, հեռացիր»: Հավաքվածները կրկնեցին, ինչին Արամ Մանուկյանը արձագանքեց. «Ապրեք, հալալ ա»:
Նա ասաց, որ այսօր Հայաստանում ստեղծվել է լրիվ նոր քաղաքական իրավիճակ. երեք հզոր լիդերներ, 3 հզոր քաղաքական ուժեր, որոնք հաճախ շատ տարբեր են, միավորվել են մի խնդրի շուրջ. փրկել Հայաստանի արագընթաց կործանվելը: «Հայաստանը ձեռից գնում է, Հայաստանը սպառվում է, և այս քաղաքական ուժեը, զգալով վերահաս վտանգը, հայտ են ներկայացնում կանգնեցնելու այդ ընթացքը», -ասաց Արամ Մանուկյանը: Վերջինս արժանապատիվ մարդիկ համարեց հավաքվածներին, ասաց, որ այսքանն էլ բավարար է հարց լուծելու: Նա նաև հույս հայտնեց, որ այնպես կանեն, որպեսզի բոլոր տարագիր եղբայրներին նույնպես կբերեն Հայաստան:
Մանրամասները` տեսանյութում
Կարդացեք նաև
Նունե ԱՐԵՎՇԱՏՅԱՆ
” երեք հզոր լիդերներ, 3 հզոր քաղաքական ուժեր”———–Հլա ասա Հա հա համազաաաաաասպ, դե հիմա ասա Բայրոն” ))))))))))))))))),