Արարատի մարզի Արտաշատի քննչական բաժնի քննիչի վարույթում հարուցվել է քրեական գործ, մեղադրանք է առաջադրվել Այգեստան գյուղի բնակիչ Արմեն Գեղամի Ստեփանյանին:
Վերջինը տարվել է դատարան, դատավոր Գագիկ Սարգսյանի որոշմամբ կալանավորվել: Խափանման միջոցն ընտրվել է առայժմ երկու ամսով:
Մեղադրյալը տեղափոխվել է արդարադատության նախարարության «Երեւան -Կենտրոն» քրեակատարողական հիմնարկ:
Նրա պաշտպանությունը ստանձնած փաստաբան Լիանա Բալյանն Aravot.am-ին այսօր ասաց, որ իր պաշտպանյալը իրեն առաջադրված մեղադրանքում իրեն մեղավոր չի ճանաչել, հրաժարվել է որեւէ փաստաթուղթ ստորագրել եւ ցուցմունք չի տվել:
Կարդացեք նաև
Նա մեղադրվում է այս տարվա սեպտեմբերի 9-ի՝ նույն գյուղի բնակչուհի Հերմինե Գրիգորյանի սպանության համար:
Մինչ Լիանա Բալյանը կարճաժամկետ նրա պաշտպանությունը ստանձնել է Անժելա Կարապետյանը, որից հրաժարվել է:
Ռ.Մ.
