«Մեդիա կենտրոնում» այսօր` դեկտեմբերի 1-ին, կազմակերպված քննարկման ընթացքում Aravot.am-ը հետաքրքրվեց փաստաբան Տիգրան Եգորյանից, թե վարչական դատարանում քննվող քաղաքացիական ակտիվիստների գործերով պատրաստվո՞ւմ են դիմել Մարդու իրավունքների եվրոպական դատարան: Նա պատասխանեց.
«Կանխատեսումը, որ բոլոր գործերը չէ, որ կքննվեն Մարդու իրավունքների եվրոպական դատարանում, հանգստություն է հաղորդում գործադիր իշխանության հետ միաբանված դատական իշխանությանը: Իրավաբանների այն խումբը, որ զբաղվում է այս 230 գործերով, մի փոքր անակնկալ ունի այդպիսի կանխատեսումներով ապահովագրվող իշխանության ներկայացուցիչներին` այդ բոլոր 230 գործերն էլ գնալու են եվրոպական դատարան, մի քանի ամիսների մեջ ընդլայնված աշխատանքային խմբով մենք կապահովենք այդ հնարավորությունը»:
Նրա կանխատեսմամբ` Հայաստանի իշխանությունը մեծ դժվարության առջեւ կկանգնի, իսկ Հայաստանն էլ ժողովրդավարական չափորոշիչների սանդղակում հետընթաց կգրանցի. «Դա շատ ցավալի է, բայց այս ներքին թշնամանք սերմանող իրավիճակում եւ ուժերի դեմ պայքարի միակ միջոցը բոլոր աղբյուրներին դիմելն է»:
Ամի ՉԻՉԱԿՅԱՆ
