«Հայազն» կուսակցության անդամ Արմեն Հովհաննիսյանը չի ցանկանում անդրադառնալ դեկտեմբերի 1-ին իր եւ լրագրող Գայանե Առուստամյանի վիճաբանությանը: Նա չնշեց, թե իրականում ինչից են սկսվել իրենց միջեւ տարաձայնությունները, ինչն է իրեն հունից հանել, միան պնդեց, որ չի հարձակվել լրագրողի վրա ու նպատակ չի ունեցել նրա նկատմամբ բռնություն գործադրել:
«Ինչ վերաբերում է ստորագրողներին, նրանց ամբողջականությունը համարում եմ բանդա՝ կազմակերպված խումբ: Գայանեն ցույց տվեց, որ իր թայֆայական կարգապահությունն ավելի կարեւոր է, քան օրենքը. գործ ունենք բանդայի հետ, իսկ բանդայի համար մեկ է՝ իր անդամը մեղավոր է, թե ոչ, իր անդամին պետք է պաշտպանեն»,- Aravot.am-ին ասաց Արմեն Հովհաննիսյանը:
Հիշեցնենք, որ մամուլում տարածվել էր հայտարարություն՝ Գայանե Առուստամյանի նկատմամբ կատարվածը դատապարտող ստորագրահավաքով: Իսկ դեպքին ականատես կազմակերպության անդամներ ավելի ուշ տարածեցին հայտարարություններ՝ նշելով, որ ստորագրած անձանցից և կազմակերպությունների ներկայացուցիչներից որևէ մեկը ներկա չի եղել դեկտեմբերի 1-ի հավաքին՝ բացառությամբ Գայանե Առուստամյանի։
Արմեն Հովհաննիսյանը Գայանե Առուստամյանի՝ LGBT դրոշով գալու մասին հայտարարությունը որակեց սադրանք.«Թե ինչի էր Գայանեին պետք այդ սադրանքը, հարցրեք նրանից»:
Կարդացեք նաև
Հիշեցնենք, որ ըստ «Հայազն» կուսակցության տարածած հայտարարության, կուսակցության իրավաբանները զրպարտության մեղադրանքով քաղաքացիական հայց են պատրաստում՝ ընդդեմ Գայանե Առուստամյանի ու մյուս ստորագրողների:
Արփինե ՍԻՄՈՆՅԱՆ
Հարգելի Սիմոնյան անկասկած լրագրողի գործը դժվար է,բայց նրանց զգալի մասը դարձել է բիզնեսմեն,փողի համար ամեն ինչի են դիմում,այդթվում շանտաժի կաշառքի ևայլն:Ձեր թերթում նրանք ևս կան:
Հարգելի Կարեն, խնդրում եմ՝ փորձեք հիմնավորել Ձեր հայտարարությունը: «Առավոտի» այդ ո՞ր թղթակիցն է դիմել նման մեթոդների:
Հայհոյող տղամարդը ամենազզվելի կենդանին է