Ռազմավարական նշանակություն ունեցող Վազաշեն-Պառավաքար 3.2 կմ երկարությամբ շրջանցիկ ավտոճանապարհի շինարարության մրցույթը շահեց եւ այն կառուցում էր Իջեւանի ճանապարհների շինարարության եւ շահագործման ընկերությունը, որը խոստացել էր մինչեւ 2014թ. հունիսի վերջ այն գործարկել: Հուլիսին Տավուշի մարզ այցելած վարչապետ Հովիկ Աբրահամյանը տեսնելով, որ ճանապարհի կառուցումը կիսատ է մնացել , հանձնարարել էր մինչեւ օգոստոսի վերջ այն ավարտին հասցրել; Դա չարվեց, սեպտեմբերին փոխվեց ճանապարհի կառուցապատողը, գործը տրվեց Երեւանի «Խաչհար» ՍՊԸ-ին: Հովիկ Աբրահամյանը սեպտեմբերի 21-ին կայացած կառավարության նիստում զայրացավ, երբ Վազաշեն-Պառավաքար շրջանցիկ ավտոճանապարհի կառուցման համար հարկ եղավ պետական բյուջեից լրացուցիչ 55 միլիոն դրամ հատկացնել: Նշենք, որ մինչ այդ ճանապարհի շինարարության համար տրվել էր 535 միլիոն դրամ: Շրջանցիկ ճանապարհը համարվում է ռազմավարական, այն սահմանի այդ հատվածում երթեւեկի անվտանգության համար կարեւոր է, սակայն դրա գործարկումը հետաձգվել է մինչեւ 2015թ. գարուն: Որպես շինարարության ձգձգման պատճառ նշվում է ձմեռային եղանակը, սակայն հնարավո՞ր չէր մինչեւ ձմեռ ավարտել ճանապարհի կառուցումը:
Շրջանցիկ ճանապարհին առկա, ադրբեջանական գնդակոծություններից երթեւեկի անվտանգությունն ապահովող պատի շինարարությունը կիսատ է, ուստի այն հազիվ թե ապահովի խճապատ, ոչ բարեկարգ ճանապարհով երթեւեկողների անվտանգությունը: «Խաչհար» ՍՊԸ-ն պարտավորվել էր մինչեւ հոկտեմբերի 30-ն ավարտել կարեւոր նշանակություն ունեցող ճանապարհի շինարարությունը: Այդ ընկերությունն էլ խախտեց ճանապարհը գործարկելու ժամկետը: Սակայն դրա համար «Խաչհարի» հանդեպ առայժմ որեւէ պատժամիջոց չի կիրառվել: Նշենք, որ 2013 թվականի ընթացքում սահմանի այդ հատվածում ադրբեջանական կրակոցներից 3 զինվորական է զոհվել, եղել է 11 վիրավոր, որից 2-ը՝ քաղաքացիական անձ:
Ոսկան ՍԱՐԳՍՅԱՆ
Մի քանի նկատառում, կապված այս տխրահռչակ թեմայի հետ՝ երթևեկի անվտանգությունն ապահովող պատի երկարությունը մի քանի անգամ գերազանցում է ներկայիս գործող հատվածի վտանգավոր մասի երկարությանը, ինչն ինքնին վկայում է այն մասին, որ մարզի շահերով մտահոգված ղեկավարը, նմանատիպ պատնեշներ կարող էր հենց այնտեղ կառուցել, առավել նվազ միջոցներով ու կարճ ժամանակում: Այս իրավիճակը հարցականի տակ չի դնում արդյոք այն իրողությունը, որ բացի առաջին դեպքից, հակառակորդը երբևէ այդ ճանապարհի ուղղությամբ չի կրակել /հակառակորդ բառը ազերիներին է վերաբերվում, իսկ գումարներ լվացողները թշնամիներ են/:
Եթե ճանապարհի այս հատվածի կառուցման նպատակը ոչ թե գումարների լվացումն էր, այլ երթևեկի անվտանգության ապահավումը, որն արդեն նույնիսկ անտեղյակների համար է ակնառու, ինչու որևէ մեկի, այդ թվում նաև լրատվամիջոցների կողմից հարց չի բարձրացվում գործի հետ առնչվող և որոշում կայարցած պաշտոնատար անձանց պատասխանատվության ենթարկելու մասին: Հիմնավորումն ակներև է՝ նորակառույց հատվածը ոչ միայն չի համապատասխանում ճանապարհաշինարարական նորմատիվներին, այլև չի ապահովում երթևեկի անվտանգությունը, չնայած այս ամենը իմանալով, հույս ունեմ նաև հասկանալով ու տեսնելով, ՀՀ վարչապետը շարունակում է ֆինանսավորման գործընթացը, իսկ շինարարներն էլ առավել մեծ գումարների ակնկալիքով, գործը ձգձգում են:
Մեկ անհասկանալի հարց ևս, ինչն է պատճառը, որ ներկայիս մարզպետ Հ.Աբովյանը գոնե ՀՀ նախագահին չի ներկայացնում գումարներ լվանալու այս անտակ հորի առկայության մասին, չնայած դժվար թե այս ամենն առանց վերջինիս իմացության է կատարվում:
Մի քանի նկատառում, կապված այս տխրահռչակ թեմայի հետ՝ երթևեկի անվտանգությունն ապահովող պատի երկարությունը մի քանի անգամ գերազանցում է ներկայիս գործող հատվածի վտանգավոր մասի երկարությանը, ինչն ինքնին վկայում է այն մասին, որ մարզի շահերով մտահոգված ղեկավարը, նմանատիպ պատնեշներ կարող էր հենց այնտեղ կառուցել, առավել նվազ միջոցներով ու կարճ ժամանակում: Այս իրավիճակը հարցականի տակ չի դնում արդյոք այն իրողությունը, որ բացի առաջին դեպքից, հակառակորդը երբևէ այդ ճանապարհի ուղղությամբ չի կրակել /հակառակորդ բառը ազերիներին է վերաբերվում, իսկ գումարներ լվացողները թշնամիներ են/:
Եթե ճանապարհի այս հատվածի կառուցման նպատակը ոչ թե գումարների լվացումն էր, այլ երթևեկի անվտանգության ապահավումը, որն արդեն նույնիսկ անտեղյակների համար է ակնառու, ինչու որևէ մեկի, այդ թվում նաև լրատվամիջոցների կողմից հարց չի բարձրացվում գործի հետ առնչվող և որոշում կայարցած պաշտոնատար անձանց պատասխանատվության ենթարկելու մասին: Հիմնավորումն ակներև է՝ նորակառույց հատվածը ոչ միայն չի համապատասխանում ճանապարհաշինարարական նորմատիվներին, այլև չի ապահովում երթևեկի անվտանգությունը, չնայած այս ամենը իմանալով, հույս ունեմ նաև հասկանալով ու տեսնելով, ՀՀ վարչապետը շարունակում է ֆինանսավորման գործընթացը, իսկ շինարարներն էլ առավել մեծ գումարների ակնկալիքով, գործը ձգձգում են:
Մեկ անհասկանալի հարց ևս, ինչն է պատճառը, որ ներկայիս մարզպետ Հ.Աբովյանը գոնե ՀՀ նախագահին չի ներկայացնում գումարներ լվանալու այս անտակ հորի առկայության մասին, չնայած դժվար թե այս ամենն առանց վերջինիս իմացության է կատարվում: