Արցախի Հանրապետության վարչապետ Արայիկ Հարությունյանը դեկտեմբերի 30-ին ընդունել է ֆինանսների և էկոնոմիկայի նախարարության մի խումբ աշխատակիցների՝ նախարար Սպարտակ Թևոսյանի գլխավորությամբ:
Իր ողջույնի խոսքում վարչապետը կարևորել է կառույցի դերակատարումը հանրապետության ապագայի կերտման գործում: Ա. Հարությունյանի խոսքով՝ գրանցվող տնտեսական աճը պայմանավորված է նաև նախարարության որակյալ աշխատանքով, որն ապահովում է տնտեսության ֆինանսական անդորրը:
Կառավարության ղեկավարը շնորհակալություն է հայտնել համակարգի աշխատակիցներին՝ բարեխիղճ և հմուտ աշխատանքի համար՝ նրանց պարգևատրելով վարչապետի հուշամեդալներով և պատվոգրերով: Նա շեշտադրել է, որ պարգևները բոլորինն են, քանի որ արձանագրվող հաջողությունները համատեղ ջանքերի արդյունք են:
Նախարար Ս. Թևոսյանը, կառույցի աշխատակիցների անունից, երախտագիտություն է հայտնել վարչապետ Հարությունյանին՝ իրենց աշխատանքը գնահատելու և ուշադրության ներքո պահելու համար: Նա վստահեցրել է, որ գերատեսչությունը պատրաստ է իր վրա դրված խնդիրները հավուր պատշաճի իրագործել՝ կյանքի կոչելով կառավարության ծրագրերը:
Կարդացեք նաև
ԼՂՀ կառավարության աշխատակազմի տեղեկատվության և հասարակայնության հետ կապերի բաժին
