32-ամյա Շերիֆ եւ 34-ամյա Սայիդ Քուաշները կասկածվում են Charlie Hebdo շաբաթաթերթի աշխատակազմի վրա հարձակում գործելու մեջ: Նրանք չորեքշաբթի առավոտյան դիմակներով եւ զինված մտել են պարբերականի խմբագրություն եւ «Կալաշնիկով» տեսակի զենքով սպանել են խմբագրակազմի անդամներին եւ ոստիկանության երկու աշխատակցի: Գրում է New York Times-ը:
Իշխանությունների ներկայացրածով՝ երրորդ կասկածյալը 18-ամյա Համիդ Մուրադն է, որն այսօր հանձնվել է ոստիկանությանը: Քուաշները հայտնի էին հատուկ ծառայություններին, իսկ Մուրադը՝ գործազուրկ է: Կասկածյալների ինքնությունը ոստիկանությունը պարզվել է Citroën ավտոմեքենայի (որով ահաբեկիչները փախուստի են դիմել) մեջ թողած ինքնությունը ներկայացնող փաստաթղթերի միջոցով:
Կոտորածը, որը մատնանշվում է, որպես Իսլամը, Քրիստոնեությունը եւ այլ կրոններն ու աշխարհիկ իշխանությունները ծաղրող ծաղրանկարիչների եւ անձնակազմի այլ անդամների սպանություն, Ֆրանսիային ապշեցրել է: Այս միջադեպը նաեւ հարց է առաջացրել, թե ինչպես է պատահել, որ ոստիկանությունը, այսքան տարիներ լավ ճանաչելով Շերիֆ Քուաշին եւ նրա եղբորը, չեն գուշակել նրանց մտադրությունը:
Պատրաստեց՝ Հռիփսիմե ՀՈՎՀԱՆՆԻՍՅԱՆ
Աշխարհի շատ պարբերականներ, այդ թվում “առաջավոր” և ազատ խոսքի “առաջամարտիկներ”, հրաժարվել են տպագրել Charlie Hebdo-ի ծաղրանկարները, որոնք այդքան զայրացրել են իսլամիստ ծայրահեղականներին: Գուցե բացատրում են նրանով, որ չեն ուզում սրել կրքերը, կամ ուղակի վախենում են ու նահանջում տեռռորի դեմ: Չգիտեմ, մարդիկ նկատել ու գնահատել են, բայց այս հոդվածի վերևում տեղադրված է հենց այդ ծաղրանկաներնից մեկը: Շնորհակալություն “Առավոտ”-ին:
Հ.Գ. Ոչ մի տեղ նշված չե որ այդ ահաբեկիչները հատուկ ծառայությունների աշխատկից են եղել: Միայն ասվում է, որ վաղուցվանից են հայտնի հատուկ ծառայություններին և նրանց հետևել են մի որոշ ժամանակ: Գուցե ձեր տպածը սխալ թարգմանության արդյունք է:
Շնորհակալություն դիտողության համար:
Իսկապես սխալ թարգմանություն է: Պետք է լիներ՝ Քուաշները հայտնի էին հատուկ ծառայություններին: Հրապարակման մեջ արդեն սխալն ուղղված է: