«Եվրո 2016»-ի ընտրական մրցաշարի «I» խմբում ֆուտբոլի Հայաստանի ազգային հավաքականի մրցակից Սերբիայի եւ Ալբանիայի ֆուտբոլի ֆեդերացիաները դիմել են Լոզանի սպորտային արբիտրաժային դատարան՝ վիճարկելու երկու հավաքականների նկատմամբ ՈՒԵՖԱ-ի կիրառած պատժամիջոցները: Նրանք ցանկանում են, որպեսզի կամ այդ պատժամիջոցներն ամբողջությամբ հանվեն, կամ զգալիորեն մեղմացվեն:
Հիշեցնենք, որ անցած տարվա հոկտեմբերի 14-ին Բելգրադում կայացած այդ հավաքականների հանդիպումը դադարեցվել էր 42-րդ րոպեին:: Ավելի ուշ ՈՒԵՖԱ-ն Ալբանիային տեխնիկական պարտություն էր գրանցել 0:3 հաշվով, իսկ Սերբիային զրկել 3 միավորից: Միեւնույն ժամանակ երկու երկրների ֆեդերացիաները տուգանվել են 100 հազարական եվրո:
Աշոտ ՀԱԿՈԲՅԱՆ
Լուսանկարը՝ mirror.co.uk-ի
