Ավետիսյանների ընտանիքի յոթերորդ անդամի՝ փոքրիկ Սերյոժայի հուղարկավորությանն այսօր եկել էին մասնակցելու ԱԺ մի խումբ պատգամավորներ՝ ԱԺ փոխխոսնակ Էդուարդ Շարմազանովի գլխավորությամբ:
Մեզ հետ զրույցում ՀՀԿ-ական պատգամավոր Աշոտ Աղաբաբյանն ասաց, թե գտնում է, որ բոլոր ցավերը ժամանակն է հաղթահարում:
«Չմոռանանք, որ ցեղասպանություն ենք հաղթահարել, կատարվածը դրա փոքր տեսակն է, բայց իրոք ողբերգություն է և չեմ կարծում, որ ամեն մի հայ չի ողբում էսօր, պիտի ժամանակը լուծի: Օրենքի բոլոր ամենախիստ պատիժը պիտի տրվի այս ոճրագործությանը»,- ասաց Աշոտ Աղաբաբյանը:
ՀՀԿ-ական պատգամավոր Արման Սահակյանն էլ գտնում է, որ պատիժը պիտի շատ հասկանալի լինի մարդկանց և այս սրիկայից բացի, պիտի պատիժ կրեն ռուս բոլոր սպաները, իրենց զինկոմից սկսած՝ վերջացրած Գյումրիում աշխատող ռուսներով: Ըստ Արման Սահակյանի, սրիկային միանշանակ պիտի դատեն ՀՀ օրենքներով և Հայաստանում: Ըստ նրա, ուրիշ տարբերակ չկա: Պատգամավորը հույս հայտնեց, որ գյումրեցիները կհասնեն դրան:
Կարդացեք նաև
ԱԺ փոխխոսնակ Էդուարդ Շարմազանովն էլ հորդորեց աղոթել Ավետիսյանների ընտանիքի հավերժության համար, ու խնդրեց մեր մեջ թշնամիներ չփնտրել, միասնական լինել, քանի որ սա բոլորիս ցավն է:
Մանրամասները՝ տեսանյութում:
Նունե ԱՐԵՎՇԱՏՅԱՆ
Իսկ ի՛նչ պատժի է արժանի երկիրը վասալի կարգավիճակի, աղքատության, բարոյազրկման հասցրած կառավարությունը: