Հրանտ Դինքի սպանության 8-րդ տարելիցի միջոցառումը Եվրոպական Խորհրդարանում բազմամարդ էր։
Միջոցառմանը մասնակցելու եկել էին Ֆրանսիայից, Թուրքիայից, Հայաստանից և եվրոպական այլ երկրներից հյուրեր` հիշելու, պատվելու և մեջբերելու Դինքին: Փարիզյան դեպքերից հետո Հրանտ Դինքի առաքելությունը ավելի քան խորհրդանշական է, նշում էին ներկաները:
«Ազատություն» ռադիոկայանի հետ զրույցում Եվրախորհրդարանի փոխնախագահ, կոմս Ալեքսանդր Լամբսդորֆը նշեց, որ խոսքի ազատությունը վտանգի տակ էր թե 8 տարի առաջ Թուրքիայում, թե այժմ Եվրոպայում:
«Այս տարին հատուկ կարևորություն ունի: Դժբախտաբար, թե բարեբախտաբար, Փարիզի դեպքերը, մամուլի և խոսքի ազատության, Հրանտ Դինքի գործը համընկան նույն ժամանակահատվածում: Նրա քաջությունը, այն, որ նա գիտակցելով վտանգը՝ չվախեցավ խոսել, ահա այդպիսի ազատ մամուլի ու խոսքի կարիք ունենք մենք Եվրախորհրդարանում, աշխարհում ու նաև Հայաստանում: Այնպես որ այսօր ավելի քան երբեք Դինքին հիշելը տեղին է: Իմ առաջարկը երկու երկրներին և հատկապես Թուրքիային այն է, որ Թուրքիան պետք է հաղթահարի տասնամյակների իր խնդիրն ու առաջ շարժվի 1915-ի դեպքերն ազնվորեն ճանաչելով»,- ասաց Լամբսդորֆը։
Կարդացեք նաև
Էլինա Չիլինգարյան
Նյութի մանրամասները կարդացեք «Ազատություն» ռադիոկայանի կայքում
