«Ճշտումներ կանենք եւ այդ հարցին կեսօրից հետո կպատասխանենք»,- Aravot.am-ի հետ զրույցում անդրադառնալով շաբաթ օրը Բերձորում կատարվածին, երբ դաժան ծեծի էին ենթարկվել դեպի Արցախ ավտոերթ անող «Հիմնադիր խորհրդարանի» անդամներն, ասաց ՀՀԿ խմբակցության քարտուղար Գագիկ Մելիքյանը: Տարածված տեսանյութերին ՀՀԿ-ական գործիչը չի վստահում: «Տեսանյութը միակողմանի է եւ իրականությունը չի արտացոլում»,- ասաց Գագիկ Մելիքյանը: Նրա հետ համաձայնեց նաեւ կուսակից գործընկեր Կարեն Ավագյանը:
«Մուտիլովշիկների համար Արցախ մուտքն արգելված է»,- լրագրողների հետ զրույցում էլ հարցի վերաբերյալ նման կարծիք հայտնեց ՀՀԿ պատգամավոր, գեներալ Մանվել Գրիգորյանը: Ըստ նրա` «նորմալ քաղաքացիները կարող են գնալ»: Բայց այլ հարցերի, գեներալը չցանկացավ պատասխանել:
ԲՀԿ պատգամավոր Ռուստամ Գասպարյանն էլ դատապարտեց տեղի ունեցածը`հավելելով, որ մեղավորները պետք է ենթարկվեն խիստ պատասխանատվության:
Նելլի ԳՐԻԳՈՐՅԱՆ
Իսկ «մուտիլովշիկների» համար ԱԺ մուտքն արգելված չէ՞: