«Պարզ է, որ Շարմազանով կոչեցյալը նման բան պիտի ասի, բայց թուրքերի բերանում լեզու դրեց Արցախի ոստիկանությունը»,- Aravot.am-ի հետ զրույցում մեկնաբանելով ԱԺ փոխնախագահ Էդուարդ Շարմազանովի այն հայտարարությունը, թե «Հիմնադիր խորհրդարանի` դեպի Արցախ ավտոերթի մասնակիցները ադրբեջանական լրատվամիջոցների բերանը լեզու են դրել», -այսպես արտահայտվեց «Հիմնադիր խորհրդարանի» անդամ Գևորգ Սաֆարյանը:
Նա նշեց, թե «ադրբեջանական լրատվամիջոցների բերանը լեզու դրեցին, երբ Արցախի լեգենդար հրամանատարներից մեկին` Ժիրայր Սեֆիլյանին, ուղղակի սկսեցին մահակներով խփել, երբ Արցախը ազատագրողին սկսում ես ծեծել Արցախում, թուրքերի բերանը դրանից ավելի մեծ ի՞նչ լեզու կարելի է դնել: Մեր զինվորը վաղը ի՞նչ հոգով պիտի կռվի, երբ իր թիկունքում լեգենդար հրամանատարներից մեկին ծեծում են: Սա խայտառակություն է ողջ հայ ազգի համար»:
Երեկ Իգոր Մուրադյանը հայտարարեց, որ ետ է վերադարձնում ԼՂՀ ԱԺ-ի շնորհած մեդալը: Այս առիթով ԼՂՀ նախագահի մամուլի խոսնակ Դավիթ Բաբայանը արձագանքել է. «Իգոր Մուրադյանը թող Ալիևից մեդալ ստանա, Գապոն քահանայի դերն է կատարում»:
Կարդացեք նաև
Գևորգ Սաֆարյան
Գևորգ Սաֆարյանը նշեց, որ դա եղել է Իգոր Մուրադյանի անձնական որոշումը և մեկնաբանեց. «Սա հիստերիա է. ռեժիմի արցախյան բաժանմունքը հիստերիայի մեջ է: Դրա համար էլ նման հիմար բաներ են ասում: Միանշանակ խուճապ եմ տեսնում, նման խայտառակությունը ռեժիմը հեշտ չի մարսի: Սեֆիլյանին խփել, Պավլիկ Մուրադյանին առևանգել, փորձել առևանգել և ծեծի ենթարկել Ալեք Ենիգոմշյանին, ամբողջ հայությունը դրա դեմ է դուրս գալու թե սփյուռքում, թե Արցախում, թե Հայաստանում: Արցախում զինվորականությունը հիասթափված է. ունենք արձագանքներ, որ մի շարք հրամանատարներ ուղղակի իրենց տեղը չեն գտնում»:
Արցախի հանրային հեռուստաընկերության տարածած տեսանյութի մասին Գևորգ Սաֆարյանն ասաց. «Զավեշտալի է. ներկայանում են մարդիկ, ովքեր կարծիք են հայտնում, հետո ցույց են տալիս, որ ոստիկանները մոտենում են Ժիրայր Սեֆիլյանին, Իգոր Մուրադյանին և վերջ: Այստեղ ժամանակը կանգ է առնում: Իսկ թե ինչ է տեղի ունենում հետո, ինչո՞ւ ցույց չեն տալիս: Ասում են, թե մենք սադրանքների ենք գնացել, ինչո՞ւ ցույց չեն տալիս»:
Տաթև ՀԱՐՈՒԹՅՈՒՆՅԱՆ
Ամոթալի արարք, որտեղ ոչ մեկը արդարացում չունի, թուրքին թողած իրար ենք ուտում
երթ, որը ոտից գլուխ սադրանք էր