Այս պահին Շիրակի մարզի դատախազ Րաֆֆի Ասլանյանի մոտ եկավ Շիրակի մարզպետ Ֆելիքս Ցոլակյանը, որը սակայն լրագրողներին որեւէ մկենաբանություն չտվեց սառնաղբյուրցի երիտասարդի ձերբակալման մասին: Խորհրդակցությանը մասնակցում են Շիրակի մարզի ոստիկանապետ Վարդան Նադարյանը, Շիրակի մարզի ազգային անվտանգության ղեկավարը, ոստիկանության այլ պաշտոնյաներ, նաեւ գլխավոր դատախազության ներկայացուցիչներ:
Լրագրողների այն հարցին, թե ինչու են Գյումրիում տեղի ունեցած ցույցերի մասնակիցներին առանց ծանուցագրեր ուղարկելու տանում ոստիկանություն, Շիրակի մարզի ոստիկանապետ Վարդան Նադարյանը պարզաբանեց, որ նման բան չկա, ոստիկանության գործողությունները ապօրինի չեն, որ հարուցված քրեական գործի շրջանակներում գործառույթներ իրականացնելու լիազորությունը քննչական մարմնինն ու դատախազությանն է, ոչ թե ոստիկանությանը:
Խոսակցություններ կան, որ Գյումրի է ժամանելու նաեւ ՀՀ գլխավոր դատախազ Գեւորգ Կոստանյանը:
Մանրամասներն ավելի ուշ:
Կարդացեք նաև
Նունե ԱՐԵՎՇԱՏՅԱՆ
