«Սառեցված հակամարտությունների առկայությունը եւ Ադրբեջանի, եւ Վրաստանի զարգացմանը խանգարում է»,- այս մասին, ըստ Trend.az-ի հայտարարել է Ադրբեջանի արտաքին գործերի նախարար Էլմար Մամեդյարովը, Վրաստանի ԱԳ նախարար Թամար Բերուչաշվիլիի հետ համատեղ անցկացված մամուլի ասուլիսում:
Մամեդյարովը, մասնավորապես, նշել է. «Լեռնային Ղարաբաղի հակամարտությունը խանգարում է ոչ միայն Ադրբեջանի զարգացմանը, այլեւ Հայաստանին դնում է անելանելի դրության մեջ, քանի որ Երեւանը չի կարող այս պայմաններում մասնակցել լայնածավալ տարածաշրջանային ծրագրերում»:
Նա նաեւ ընդգծել է, որ Հայաստանը կարող է Բաքու-Թբիլիսի-Կարս երկաթգծի շինարարության ծրագրի մասնակիցը դառնալ, եթե հրաժարվի ագրեսիվ քաղաքականությունից:
Հիշեցնենք, որ Բաքու-Թբիլիսի-Կարս 105 կիլոմետրանոց երկաթգիծը կառուցվում է վրաց-ադրբեջանա-թուրքական միջկառավարական համաձայնագրի շրջանակներում: Ծրագիրը ֆինանսավորում է Ադրբեջանի պետական նավթային ֆոնդը:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
