Ինչպես հայտնի է, փետրվարի 9-10-ը ԲՀԿ առաջնորդ Գագիկ Ծառուկյանի գլխավորությամբ Մոսկվա այցելած պատվիրակության կազմում էր նաեւ գյումրեցի պատգամավոր Մարտուն Գրիգորյանը: Վերջինս իր ռուսաստանյան գործընկներից՝ ՌԴ պետդումայի պատգամավորներից հետաքրքրվել է, թե պատրաստվո՞ւմ են արդյոք հունվարի 12-ին Գյումրիում Ավետիսյանների ընտանիքի սպանության մեջ կասկածվող Վալերի Պերմյակովին հանձնել հայկական կողմին, սակայն այստեղ նրան մերժել են:
«Ես անձամբ Մոսկվայում բարձրացրել եմ գյումրեցիների պահանջը, որ մեր ցանկությունն է Պերմյակովին հանձնել հայ իրավապահներին եւ դատավարությունը իրականանա մեզ մոտ: Պատասխանը, ցավոք, բացասական է եղել, որ պատրաստ չեն հանձնելու, բայց պատրաստ են համատեղ քննչական գործողությունները Հայաստանում իրականացնելու, դատավարությունը Հայաստանում իրականացնելու: Իսկ թե պատիժը կոնկրետ որտեղ է կրելու, այդ առումով հստակ պատասխան չտվեցին», -ասաց պատգամավորը:
Մանրամասները տեսանյութում.
Նունե ԱՐԵՎՇԱՏՅԱՆ
Կարդացեք նաև
Ի՞նչու ՀՀ իրավապահ մարմինները անմիջապես չեն ձերբակալում մեղադրյալին,որը ռուսական բազայի կողմից առևանգվել և ապօրինաբա՛ր թաքցվել է այնտեղ: Սա՛ է ՀՀ օրենքը. այն շատ հստակ է:
Ի՞նչու ՀՀ իրավապահ մարմինները քրեական գործեր դեռ չեն հարուցել ռուսական բազայի դեմ՝ ՀՀ օրենքը կոպտորեն խախտելու համար:
Սպանդի մեջ կասկածվող ռուս զինվորը գտնվում է ռուսական բազայում, որը Հայաստա՛նի տարածք է: Սպանդի մեջ կասկածվող ռուս զինվորը կոպտորե՛ն խախտել է ՀՀ օրենքը: Այսինքն՝ ՀՀ իրավապահ մարմինները պիտի ԱՆՄԻՋԱՊԵՍ գնան և կալանավորեն մեղադրյալին: Սա՛ է օրենքը:
Սեփական քաղաքացիների հանդեպ ՀՀ իրավապահ մարմինների դուխը 1000 է: Որտե՞ղ է հիմա՛ ձեր «դուխը». գնացե՛ք ու ձերբակալե՛ք հայ ընտանիքին ոչնչացրած ոճրագործ կասկածյալին, այլ ոչ թե ՎԱԽԿՈՏ թատրոն խաղացեք ու «մասոնական դավադրանք» որոնեք: