Մարտի 12-ին` ժամը 13.00-ին, ԵՊՀ տնտեսագիտության և կառավարման ֆակուլտետի դահլիճում (Աբովյան 52) տեղի կունենա «Տնտեսագիտության ժամանակակից հիմնահարցեր-3» երիտասարդական գիտաժողովի բացման արարողությունը: Միջոցառմանը ներկա կլինեն ԵՊՀ և ՀՊՏՀ ռեկտորները, ինչպես նաև բանկային և պետական համակարգը ներկայացնող պաշտոնատար անձինք:
Գիտաժողովի նպատակներն են հնարավորություն ընձեռել ինչպես երիտասարդ տնտեսագետներին ներկայացնելու այդ ոլորտի տարբեր բնագավառներում իրականացրած սեփական հետազոտությունները, այնպես էլ ՀՀ տնտեսության զարգացման տեսլականի շահագրգիռ քննարկմանը վերջիններիս մասնակցության համար:
Գիտաժողովին մասնակցելու են ՀՀ և արտասահմանյան տարբեր բուհերի ուսանողներ, ասպիրանտներ և երիտասարդ գիտնականներ, ինչն էլ ավելի ընդգրկուն է դարձնում միջոցառումն ու էապես բարձրացնում է գիտաժողովի աշխատանքների արդյունավետությունը: Ներկայացված աշխատանքների մեծամասնությունը տպագրվել է ԵՊՀ տնտեսագիտության և կառավարման ֆակուլտետի գիտական խորհրդի կողմից երաշխավորված ժողովածուում:
Կարդացեք նաև
Հայաստանի երիտասարդական հիմնադրամի
հասարակայնության հետ կապերի ծառայություն