«Կորուստները չպետք է սակագնի մեջ մտնի: Որովհետեւ ես խիստ կասկածում եմ, որ կորուստների տեղը չգիտեն: Նույնը՝ էներգետիկայի բնագավառում է: Շատ լավ գիտեն, թե կորուստները որտեղ են լինում եւ ինչպես են լինում: Այդ կորուստները մտածված մտցնել սակագնի մեջ՝ սա անընդունելի եմ համարում: Հիմա դուք չէ ասեք, ես էլ հա՛ եմ ասում»,- այսօր գազի հանձնաժողովի զեկույցի քննարկման ժամանակ ԱԺ-ում հանձնաժողովի նախագահ Վարդան Այվազյանին այսպիսի հարց ուղղեց ՕԵԿ խմբակցության ղեկավար Հեղինե Բիշարյանը:
Նա նաեւ հետաքրքրվեց՝ ՌԴ-ում տիրող իրավիճակը ազդեցություն կունենա՞ գազի սակագնի վրա. «Այնտեղ ինչր թանկացում էլ լինի, կարծում եմ, այստեղ գինը պետք է պահել եւ թույլ չտալ, որ մեզ մոտ գների բարձրացում տեղի ունենա»:
«Նախնական պայմանավորվածության հիման վրա գազի գնի բարձրացում չի լինի»,- հայտարարեց Վարդան Այվազյանը:
Ինչ վերաբերում է կորուստներին, Վարդան Այվազյանն ասաց. «Վինտիլդ ինչքան էլ ուզում է լավ սարքած լինես, գազ կորելո՞ւ է, թե՞ չի կորելու: Հնարավոր չի, չէ՞, բացարձակ իդեալական սարքեր: Կորուստ կա, որ հաշվարկել է Հանրային ծառայությունները կարգավորող հանձնաժողովը, կորուստ կա, որ հաշվարկել է: Օրինակ, մեծ խողովակաշարից, որ գալիս է փոքր խողովակաշարի, ճնշումների տարբերությունից գազ է կորում, որը հանձնաժողովը չի հաշվի առել: Դրանով է պայմանավորված այդ կորուստները: Գազպրոմ Արմենիայի հաշվարկով կորուստների չափը 6.7 տոկոս է, Հանրային ծառայությունները հաշվարկել է 5.3 տոկոս: Մեթոդների տարբերություն էր»:
Կարդացեք նաև
Վարդան Այվազյանը Գազպրոմի ծախսերի մասին խոսելիս այսպիսի դիտարկում արեց. «Մանրակրկիտ նայել ենք, թե այդ մարդիկ ինչ են վերցրել: Մենք ասել ենք՝ մեր սակագնի վրա որեւէ այլ տեսակի մեքենա թույլ չի տված վերցնել: Թույլ ենք տվել միայն բիզնես կլասս, այսինքն, «Տոյոտայից» այն կողմ ուրիշ բան չի թույլատրված վերցնել: Այսինքն, 50-60 հազարանոց մեքենա է միայն թույլատրված, դա է մտնում սակագնի մեջ: Եթե ինքը այնտեղ թանկանոց է վերցնում, իրա սեփական շահույթից է վերցնում: Շահութաբերության նորման ասում եմ եկեք նստենք քննարկենք, այդ փոփոխություններն անենք»:
Հռիփսիմե ՋԵԲԵՋՅԱՆ
