Գրող, հրապարակախոս Մերուժան Տեր-Գուլանյանի տպավորությամբ, այս տարի ապրիլի 24-ը ոչ թե սգո, այլ հաղթանակի օր էր:
Նա այսօր «Տեսակետ» ակումբում ամփոփեց Հայոց ցեղասպանության 100-րդ տարելիցին նվիրված միջոցառումներն ու կարծիք հայտնեց, որ ղարաբաղյան շարժումից հետո հայերը նման կերպ չէին համախմբվել:
«Երբևէ այսքան հավաքական մեր ազգը չէր եղել: 1980 թվականից սկսած՝ այսպիսի համախմբվածություն չէր առաջացել: Խորին շնորհակալություն եմ հայտնում Հռոմի պապին, Քիմ Քարդաշյանին և Սերժ Թանկյանին… Երկրի նախագահից սկսած, համակարգողներից, ամեն ինչ մշակված էր դետալներով: Որևէ մեկի ոտքը չտրորվեց այս ընթացքում, ամեն ինչ շատ լավ ընթացավ»:
Իր գնահատականներից հետո նաեւ մարգարեացավ, եթե Թուրքիան առաջիկա 3 տարում չընդունեց Հայոց ցեղասպանությունը, կքանդվի. «Ինչպես Թուրքիան ոչնչացրեց մի ամբողջ հայ ազգի եւ յուրացրեց այդ ազգի պատմական երկիրը, նույն հայկական հարցի պատճառով քանդվելու է: Այս օրը կհիշեք, երեխաներ, երեք տարի»:
Կարդացեք նաև
Արփինե ՍԻՄՈՆՅԱՆ
