ՀՀԿ-ն այն 14 քաղաքական ուժերի շարքում է, որոնք Սահմանադրական բարեփոխումների մասնագիտական հանձնաժողովին՝ Սահմանադրության փոփոխությունների հայեցակարգի վերաբերյալ առաջարկներ են ներկայացրել:
Մինչդեռ ՀՀ ԱԺ ՀՀԿ խմբակցության ղեկավար Վահրամ Բաղդասարյանը հայտարարել էր, որ «Հայաստանի Հանրապետական կուսակցությունը սահմանադրական բարեփոխումների մասնագիտական հանձնաժողով սահմանադրական բարեփոխումների վերաբերյալ գրավոր առաջարկներ չի ներկայացրել, քանի որ առաջին իսկ փուլից ակտիվորեն մասնակցել է գործընթացին, մասնակցել տարբեր հարցերի շուրջ քննարկումներին»:
Aravot.am-ը Վահրամ Բաղդասարյանից հետաքրքրվեց՝ ինքը տեղյա՞կ չէր, որ ՀՀԿ-ն առաջարկություններ է ներկայացրել Սահմանադրական բարեփոխումների հանձնաժողովին: Պարոն Բաղդասարյանը պատասխանեց. «Մենք նոր՝ լրացուցիչ առաջարկություններ չենք ներկայացրել: Բոլոր այն առաջարկությունները, որոնք առաջ ենք քաշել սահմանադրական բարեփոխումների հայեցակարգի քննարկումների ժամանակ, դրանք որպես առաջարկություններ արդեն ձևակերպված էին և հենց դրանք են ներկայացրել»:
Վահրամ Բաղդասարյանի հավաստմամբ՝ քննարկումների ժամանակ իրենք մի շարք առաջարկություններ են ներկայացրել, որոնք գրանցվել են, այնուհետև քննարկվել բոլոր հանրապետականների հետ: Եվ այդ ամբողջ փաթեթը հավաքական՝ որպես ՀՀԿ-ի առաջարկություններ, ներկայացվել է հանձնաժողովին:
Կարդացեք նաև
Տաթև ՀԱՐՈՒԹՅՈՒՆՅԱՆ
