Թուրքիան կարծես լրջորեն նեղացել է Ռուսաստանից Հայոց ցեղասպանության վերաբերյալ նրա դիրքորոշման համար. ոչ ընկերական հայտարարություններ, այդ թվում՝ կապված Ղրիմի հետ, հաջորդում են մեկը մյուսին: Ռուսական «Взгляд» թերթը հարցնում, թե իսկապե՞ս այս երկու երկրերի հարաբերությունները սառում են եւ կարո՞ղ է դա ազդել Ռուսաստանի համար սկզբունքային «Թուրքական հոսք» ծրագրի վրա:
Թերթը մեջբերել է Թուրքիայի արտաքին գործերի նախարար Մեւլութ Չավուշօղլուի հայտարարությունը, որում վերջինս նշել էր, թե թուրքական ոչ պաշտոնական պատվիրակությունը, որը եղել է Ղրիմում, մարդու իրավունքների ոտնահարման նշաններ է հայտնաբերել:
«Взгляд»-ը նաեւ գրել է, թե առավել կոպիտ հայտարարություններ են հնչել նախօրեին Դավութօղլուի շուրթերից: Հիշեցնենք, որ ելույթ ունենալով ՆԱՏՕ-ի արտաքին գործերի նախարարների նիստին Թուրքիայի վարչապետ Ահմեդ Դավութօղլուն նշել էր, թե «Ղրիմի անօրինական անեքսիան ընդունելի չէ որեւէ դեպքում»:
Վերլուծելով այս հայտարարությունները, թերթը եզրակացրել է. «Ակնհայտ է, որ Անկարայի հակառուսական հայտարարությունները հետեւել են ապրիլի 24-ին Հայոց ցեղասպանության 100-րդ տարելիցին Ռուսաստանի նախագահ Վլադիմիր Պուտինի այցին Երեւան»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
