«Սկիզբը վատ չէ»,- մայիսի 16-ին «Ալյանս» առաջադիմական ցենտրիստական կուսակցության առաջին համագումարից հետո լրագրողների հետ զրույցում ասաց ԲՀԿ կուսակցության նախկին անդամ, ԱԺ պատգամավոր Արագած Ախոյանը:
Նրա խոսքերով՝ կուսակցության համար սա առաջին քայլն է, եւ այն պետք է դեռ ճանապարհ անցնի, ժողովրդի մոտ հույս, հավատ, սեր առաջացնի. «Տիգրան Ուրիխանյանը կազմակերպված, կայացած, երիտասարդ, առողջ մտածելակերպի անձնավորություն է: Այստեղ ամենակարեւորն այն է, որ կարողանա կայանա, սա դեռ կայացում չէ»:
Հարցին, թե նա ինչպե՞ս է պատկերացնում կուսակցության ապագան, նա պատասխանեց, որ դեռ չի կարող գնահատականներ տալ. Դա շատ երկար աշխատանք է
Մեկ այլ հարցին, թե հնարավո՞ր է, որ նա միանա «Ալյանս» կուսակցությանը, Արագած Ախոյանը պատասխանեց. «Ես անկուսակցական պատգամավոր եմ, եւ իմ որոշումների պատասխանատուն ես եմ, չեմ ուղղորդվում որեւէ իշխանական կամ ընդդմադիր ուժի կողմից, եթե լավ բան տեսնեմ չեմ ասում, որ կանդամագրվեմ, բայց ամեն ինչ կանեմ, որ այդ ծրագիր իրականանա հետագայում, ոչինչ չեմ բացառում, բայց ապագայում չեմ անդամագրվելու որեւէ կուսակցության»:
Կարդացեք նաև
Ամի ՉԻՉԱԿՅԱՆ
