ԱԺ-ում քննարկվում է ՀՀԿ պատգամավոր Սամվել Ֆարմանյանի առաջարկն ու դրա շուրջ ծավալված բանավեճը:
ԲՀԿ ղեկավար Նաիրա Զոհրաբյանն իր հերթին առաջարկեց կառավարության հետ ԱԺ հարցուպատասխանի ժամանակ հանել գրավոր հարցերը բանավոր հնչեցնելու հնարավորությունը, որի պատճառով խայտառակ իրավիճակ է լինում խորհրդարանում. «Այստեղ մտահոգություն հնչեցվեց, որ ընդդիմությունը շատ լայն հնարավորություններ ունի, եւ արդեն կարծես ուղերձներ կան՝ այդ հնարավորությունը Կանոնակարգով նեղացնելու: Հանեք գրավոր հարցերը բանավոր նորից հնչեցնելու ինստիտուտը, որովհետեւ միշտ չէ, որ այդ գրավոր հարցերն իրապես արտահայտում են այն մտահոգությունը, որն ունի հանրությունը: Հաճախ գրավոր հարցերը մոտավորապես այս սիստեմայով են՝ տերեւը կանաչ է, կրկնում եմ իմ գրավոր հարցը, որ տերեւը կանաչ է, կառավարության ներկայացուցիչը վերահաստատում է, որ տերեւը կանաչ է, հետո արձագանքման ժամանակ նորից ասում են՝ շնորհակալություն, որ դուք վերահաստատեցիք, որ տերեւը կանաչ է եւ դրանով ուղղակիորեն աշխատում են ամբողջ ժամանակը վատնել: Հանեք այդ ավանդույթը, որպեսզի մարդիկ, ովքեր վատ են հասկացել իրենց գրավոր հարցին տված պատասխանը, մոտենան նախարարին եւ առանձին պարզաբանեն, ոչ թե նորից հնչեցնեն»:
ԱԺ փոխխոսնակ Հերմինե Նաղդալյանն էլ կատակեց՝ դիմելով ընդդիմադիր եւ իշխանական խմբակցությունների պատգամավորներին. «Տերեւի կանաչ լինելու մասին հարցեր մի՛ տվեք»:
Կարդացեք նաև
Հռիփսիմե ՋԵԲԵՋՅԱՆ
