Կազանում ընթացող Ռ. Նեժմետդինովի գավաթի 37-րդ խաղարկությունում Հայաստանը ներկայացնող գրոսմայստեր Ռոբերտ Հովհաննիսյանը (նկարում) կայացած չորս տուրերում պարտության է մատնել բոլոր մրցակիցներին եւ հարյուր տոկոսանոց արդյունքով միանձնյա գլխավորում է մրցաշարային աղյուսակը: Այսօր՝ 5-րդ տուրում Ռոբերտը սեւերով խաղում է ռուսաստանցի գրոսմայստեր Ալեքսանդր Շիմանովի հետ:
Հայաստանցի մյուս երկու շախմատիստները՝ գրոսմայստեր Զավեն Անդրիասյանն ու ՖԻԴԵ-ի վարպետ Դավիթ Շահինյանը, վաստակել են, համապատասխանաբար, 3,0 եւ 2,5 միավոր, իսկ Ռուսաստանի դրոշի ներքո հանդես եկող գրոսմայստեր Կարինա Համբարձումովան իր անվան դիմաց գրանցել է 2,0 միավոր:
Աշոտ ՀԱԿՈԲՅԱՆ
Լուսանկարը՝ tat-chess.ru-ի
